Mateo 22:16 - AHYERƐLƐ KRONGRON

¹⁶ Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Mateo 22:16 Iomraidhean Croise

1 Ahemvo 22:14

Nakoso Mikaya buale kyɛ, “Kyɛ AWURADE te ase ye, ngyi ye nyunu mekã kyɛ, edwirɛ bɔ AWURADE kɔfa kotua me noa ne, ye ala yeɛ ngɔhã ɔ.”

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Edwein 5:9

Ofikyɛ bɛnga nahorɛ kaala, aborɛ yeɛ ɔwɔ bɛ ti anu ɔ; bɛ komvi te asieleɛ kumaa bɔ ɔla berɛ too ɔ, na bɛfa bɛ noa bɛdɛfɛdɛfɛ mmenia.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Anyandera 29:5

Ebiala bɔ ɔkã adɛfɛdɛfɛ dwirɛ kyire obiɛngo ne, né osua obiɛngo ne gya ngaen.

Malaki 2:6

Nahorɛ mmeraa ne yɛle ye noa dwirɛ, na amumuyɛɛ biala wamvite ye noa. Asomdwee ne pɛpɛɛpɛyɛlɛ nu yeɛ ɔne me natele ɔ, na ɔmane mmeni pee bɛyakyili amumuyɛɛyɔlɛ.

Malaki 2:9

Yiti, me koso, maprapra animguaseɛ magua ɛmɔ so, yeɛ mabrɛ ɛmɔ ase wɔ maen maen amukoraa bɛ nyunu, kyɛbɔ ɛmɔmva m’atee so, ná mmom ɛmɔbua ndɛengyea ne ala.”

Mateo 22:24

“Kyerɛkyerɛniɛ, Mose hane kyɛ, ‘Sɛ bienzua bɔ wanwo ba owu a, odi kyɛ oliɛma bienzua gya kunaniɛ ne, ná ɔwo mmaa ma oliɛma ne.’

Mateo 22:26

Sɔ ala koso yeɛ ɔtole aliɛmaa bɔ ɔtɔ so nyɔ ne bɔ ɔtɔ so nza ne ɔ, maa odwuli bɔ ɔtɔ so nzoo ne aso ɔ.

Mateo 26:18

Na Yesu buale kyɛ, “Ɛmɔhɔ kuro nu dɔ asomasi berɛ, ná ɛmɔhã behyire ye kyɛ, ‘Kyerɛkyerɛniɛ ne nwa: Me mmerɛ ne apingye, na w’awuro yeɛ me ne m’asuafoɛ yɛkooli Abɔtra (aluolue) ne ɔ.’ ”

Mateo 26:49

Na berɛ ne ala, ɔwale Yesu nwo berɛ, na ɔhane kyɛ, “Rabi, asomdwee ha wɔ oo!” Na ɔfele ye noa.

Marko 10:17

Yesu pene atee so bɔ ɔkɔ nen, biaa bie tuli amirika ɔɔkotole ye nyunu berɛ, na obisale ye kyɛ, “Kyerɛkyerɛniɛ paa, nzu yeɛ nyɔ ná manya daa ngoa ɔ?”

Marko 12:13

Na bɛsomane Farasiifoɛ biemɔ ne Herodefoɛ biemɔ maa bɛhɔle Yesu berɛ, kyɛ bɛɛfa edwirɛ besua ye ngaen.

Marko 12:14

Na bɛwale nen, besele ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea, na mmom ekyirekyire Nyameɛ atee ne nahorɛ nu. Aso mmeraa ma ate kyɛ yɛtua ɛtoɔ yɛma Kaesare, anaakyɛ ɔmma ate? Yɛ́tua anaakyɛ nnɛmaa yɛtua?”

Marko 3:6

Yeɛ Farasiifoɛ nemɔ fili berɛ fitele, na berɛ ne ala, bɛ ne Herodefoɛ bɛɛbɔle ye ti so porɛ bɛpenane atee bɔ bɛkɔpe so bekohu ye ɔ.

Marko 8:15

Na Yesu bɔle bɛ kɔkɔ kyɛ, “Ɛ́mɔnea yé, ɛ́mɔnea ɛmɔ nwo yé wɔ Farasiifoɛ mɔle harewaa ne Herode mɔle harewaa nwo.”

Luka 20:21

Yiti bebisale ye kyɛ, “Kyerɛkyerɛniɛ, yɛse kyɛ wɔ noa dwirɛ ne wɔ ngyerɛkyerɛ te turoloo, yeɛ ɛmva wɔ nye ndo sona ye dibea, na mmom ekyirekyire Nyameɛ atee ne nahorɛ nu.

Luka 7:40

Yeɛ Yesu buale sele ye kyɛ, “Simɔn, maa nga edwirɛ kãa bie ngyire wɔ.” Na obisale kyɛ “Kyerɛkyerɛniɛ, nzikyɛ dwirɛ ɔ?”

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 7:18

Ebiala bɔ ɔbɔ ye ti anu dwudwo ne, ɔpena ye bɔbɔ ye animnyam; nakoso bɔ ɔpena animnyam ma bɔ ɔsomane ye nen, ye ole nahorɛniɛ ne, na ngondombo biala nne ye nu.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

2 Korintofoɛ 5:16

Yiti ofi ɛnɛ bɔ ɔkɔ ɔ, yɛmva dasaniɛ adwene yɛnzusu kyɛbɔ sona si te ɔ, na sɛ sɔ yeɛ daa ne yɛfa yɛsusuli Yesu a, ɛnɛ de yɛnyɔ ye sɔ ko.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Galatiafoɛ 2:6

Na bɛ bɔ bebu bɛ nwo kyɛ bedi mu ne, bɛte nzikyɛ mmenia koraa po a, me de ɔmva me nwo; ofikyɛ Nyameɛ de ɔnyɛ nyeyemuɛ, na bɛ bɔ bebu bɛ nwo kyɛ bedi mu ne bamva hwee bammoka so.

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.

1 Tɛsalonikafoɛ 2:4

na mmom kyɛbɔ Nyameɛ abu yɛ kyɛ yɛfata, ná wafa nzɛmba ne wawura yɛ sa ne, sɔ ala yeɛ yɛdwudwo ɔ; nna kyɛ yɛfa yɛsɔ mmenia nye, na mmom Nyameɛ bɔ ɔse yɛ ti anu dwirɛ ne yeɛ yɛfa yɛsɔ ye nye ɔ.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.