Mateo 22:13 - AHYERƐLƐ KRONGRON

¹³ Yeɛ ɛhene ne sele somvoɛ nemɔ kyɛ, ‘Ɛ́mɔkyekye ye gya ne ye sa, ná ɛmɔfindi ye bɛto bondua dɔ awosii ne anu; dɔ yeɛ mmenia kosũ ná banwose bɛ gye ɔ.’

Mateo 22:13 Iomraidhean Croise

Edwein 112:10

Bɔnefoɛ nwu ye, na ɔyɛ ye ahi; ɔkɔnwose ye gye ná waboto; bɔ bɔnefoɛ wafa wasie ye nye so ne, ɔngɔyɛ berɛ.

Edwein 37:12

Bɔnefoɛ bɛbɔ teneneefoɛ mɔ nwo porɛ, na bɛnwose bɛ gye bekyire bɛ.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Daniel 3:20

Afei ɔhyɛle ye asraafoɛ mmienzua anwoserɛfoɛ nemɔ bie, kyɛ bɛkyekye Sadrake, Mesake ne Abedinego bɛfa bɛ beegua see bɔ ogye wuronyiwuronyi wɔ foonoo nu ne anu.

Mateo 12:29

“Anaakyɛ, ɔkɔyɛ sɛɛ né ebie ahora ahɔ katakyie bie awuro waafẽ ye nningyein wahɔ, sana odi moa ɔfa nyamaa kyekye katakyie ne koraka, ná afei wahora wafẽ ye awuro nningyein ne.

Mateo 13:30

Ɛ́mɔma bɛ munyɔ benyi bɛbɔ nu maa oodwu ye telɛ mmerɛ ne. Na ye telɛ mmerɛ ne yeɛ ngose mmenia bɔ bɛte ne kyɛ: Ɛ́mɔli moa betutu ngyɛngyɛma ne, ná ɛmɔkyekye bɛ tiretire bɛyera bɛ; nakoso atokoɔ ne de, ɛ́mɔboaboa ye noa bɛ́fa beegua me pata so.’ ”

Mateo 13:42

na bekogyi bɛ bekogua see wuronyiwuronyi nu, nekaa bɔ mmenia kosũ ná banwose bɛ gye ɔ.

Mateo 13:50

ná bagyi bɛ bagua see wuronyiwuronyi nu, na berɛ yeɛ mmenia kosũ ná banwose bɛ gye ɔ.”

Mateo 24:51

na ɔkɔpepɛ akoaa ne nu ahuronzi ahuronzi, ná wamaa wanya nyaatwomfoɛ bɛ kyɛfa ne bie; na berɛ yeɛ mmenia kosũ ná banwose bɛ gye ɔ.

Mateo 25:30

Akoaa bɔ mvasoɛ nne ye so ye, ɛ́mɔgyi ye bɛ́to bondua dɔ awosii ne anu, na berɛ yeɛ mmenia kosũ ná banwose bɛ gye ɔ.’

Mateo 8:12

Nakoso Ahennie mma nemɔ de, bekogyi bɛ bekogua nziɛ dɔ awosii nu; na berɛ yeɛ esuɛ ne agyeenwosenɛ wɔ ɔ.”

Luka 13:28

Na sɛ ɛmɔnwu Abraham, Yisake, Yakob ne ngɔmhyɛlɛfoɛ ne amukoraa kyɛ bɛwɔ Nyameɛ ahennie ne anu, ná ɛmɔ de bafoa ɛmɔ bafi nu a, ɛmɔkɔbɔ awuye ná ɛmɔanwose ɛmɔ gye.

Yohane 21:18

Nahorɛ nu paa, mekã mekyire wɔ kyɛ, mmerɛ bɔ né ɛte aberandeɛ ne, ɛbɔle abɔsoɛ, na ɛhɔle nekaa biala bɔ ekuro ɔ. Nakoso sɛ ɛyɛ aworowaa de a, ɛkɔtengyɛ wɔ sa, ná ebie abɔ wɔ abɔsoɛ, ná wafa wɔ wahɔ nekaa bɔ enguro ɔ.”

Asomafoɛ 21:11

Na ɔwale yɛ nwo berɛ ne, ɔfale Pɔɔlo abɔsoɛ ne kyekyele ye bɔbɔ ye gya ne ye sa, na ɔhane kyɛ, “Kyɛ Sunzum Krongron ne kã hɔ ɛhe: ‘Sona bɔ ye abɔsoɛ ɛhe ne, sɔ ala yeɛ Yudafoɛ kɔkyekye ye wɔ Yerusalem ná bafa ye bawura Amaenmaensofoɛ sa ɔ.’ ”

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

2 Petro 2:17

Sɔ mmenia nemɔ, bɛte abura mɔ bɔ nzue nne nu ɔ, ɔne munungum bɔ mvrama bɔ ye huu kɔ ɔ; na bɛ yeɛ basiesie awosii kabii bato berɛ bama bɛ ɔ.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.