Mateo 22:11 - AHYERƐLƐ KRONGRON

¹¹ “Na ɛhene ne wurale nu kyɛ ɔkwaanea bɛ bɔ bawa atɔmvorɛ ne abo nen, onwuni biaa bie wɔ berɛ, bɔ né ye de owwura atɔmvorɛfalɛ ataadeɛ ɔ.

Mateo 22:11 Iomraidhean Croise

2 Ahemvo 10:22

Afei Yehu sele Baal sɔnenɛ ndaadeɛ so neafoɛ ne kyɛ, “Yeye ndaadeɛ ne brɛ bɛbɔ bɛsɔne Baal ne amukoraa.” Yiti ɔyeyele ndaadeɛ nemɔ mane bɛ.

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Awuye 5:22

Nakoso apo yɛ bɔkɔɔ, w’ahone ahu yɛ so paa.

Sefania 1:12

Sɔ mmerɛ ne, ngɔfa kanea ngohyini ngɔneanea Yerusalem nu, na ngɔhwe bɛ bɔ bafa bɔne bayɛ bɛ nwo buru ne nnu nemɔ bɛ so, bɛ bɔ bɛkã ye bɛ ti anu kyɛ, ‘AWURADE ngɔyɔ ye nwo huu, kyɛ paa oo, anaa tɛɛ oo.’

Mateo 13:30

Ɛ́mɔma bɛ munyɔ benyi bɛbɔ nu maa oodwu ye telɛ mmerɛ ne. Na ye telɛ mmerɛ ne yeɛ ngose mmenia bɔ bɛte ne kyɛ: Ɛ́mɔli moa betutu ngyɛngyɛma ne, ná ɛmɔkyekye bɛ tiretire bɛyera bɛ; nakoso atokoɔ ne de, ɛ́mɔboaboa ye noa bɛ́fa beegua me pata so.’ ”

Mateo 22:10

Na sɔ somvoɛ nemɔ besili nu bɛhɔle dwaa nemɔ aso bɛɛboaboale mmenia bɔ benwuni bɛ amukoraa noa, bɔne mmenia ne mmeni paa; na mmenia beeyili atɔmvorɛ sua ne anu tɛkyɛ.

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

Romanfoɛ 3:22

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 5:3

Na sɛ yɛfa nyameɛso deɛ ne yɛpuro so a, yɛ nwo ngɔla so.

Galatiafoɛ 3:27

Na ɛmɔ amukoraa bɔ babɔ ɛmɔ asu wɔ Kristo nu ne, ɛmɔafa Kristo bahera.

Ɛfesofoɛ 4:24

ná ɛ́mɔfa sona sue foforɛ bɔ Nyameɛ bɔle ye kyɛ ye sɛso wɔ nahorɛ tenenee ne anwotelɛ nu ne bewura.

Nyekyire 16:15

(“Tie! Méba kyɛ awueniɛ. Na sona bɔ ɔwɛne ná ɔnea ye ndaadeɛ so, ná wamva ye nwo wando so wannate ma bannwu ye nwo ne, onya saleɛ.”)

Nyekyire 19:8

Na bɛfale nwera paa bɔ ɔte fufue, bɔ ye nwo te ɔ bɛmane braa ne kyɛ ɔfa hera.” Na nwera paa ne ole anwoteefoɛ bɛ tenenee.”

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.