Mateo 21:5 - AHYERƐLƐ KRONGRON

⁵ “Ɛmɔhã behyire Sion awa brasua ne kyɛ: Nea, wɔ hene ɔ́ba wɔ berɛ, odwo, na ɔte afunum so, ɔne afunum akrɔngrɔma so, bɔ ɔte afunum beleɛ ɔ.”

Mateo 21:5 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

2 Samuel 16:2

Yeɛ Nana Dawide bisale Siba kyɛ, “Sɔ nningyein hemɔ, ɛfa bayɔ nzu?” Na Siba buale kyɛ, “Afunum nemɔ, méfa mebrɛ Nana awuro ama maa bɛtena so. Paanoo ne ɔne borɔdoma ne, bɛte mmerandeɛ nemɔ deɛ bɔ bekoli ɔ, yeɛ nzaa ne koso ɔte bɛ bɔ bɛ nwo kɔyɛ bɛ hodwoo wɔ ɛserɛ so ne deɛ.”

1 Ahemvo 1:33

Nana Dawide sele bɛ kyɛ, “Nde ɛmɔ mene, ɛmɔ ne m’awɛmvoɛ nemɔ bɛhɔ. Ɛ́mɔma mma Solomon ɔ́tena me bɔbɔ m’afunum ne aso, ná ɛ́mɔfa ye bɛhɔ mbombonzue Gihon nwo.

1 Ahemvo 10:26

Solomon boaboale teaseɛnam mɔ ne mbɔngɔ noa. Né ole teaseɛnam apee ko ɛyaa nna ne pɔngɔhanɛfoɛ apee buru ne nyɔ. Ɔfale bie hɔle mbɔngɔ nguro biemɔ aso, yeɛ ɔmane ebie koso hale ye nwo berɛ wɔ Yerusalem.

Edwein 9:14

amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Yesaya 62:11

Ɛ́mɔtie, AWURADE abɔ ye dawure maa waadwu aseɛ so nekaa biala. Ɔnwa nyoo, “Ɛmɔhã behyire Sion awa brasua ne kyɛ, ‘Tie, wɔ ngoalelɛ ne ɔ́ba, tie, ye ngonim akatuaa ne boka ye so, na ye akatuaa ne li ye nyunu.’”

Hesekiel 34:24

Na me, AWURADE, ngɔyɛ bɛ Nyameɛ, na me somvoɛ Dawide yeɛ ɔkɔyɛ bɛ so panyi kotua bɛ noa ɔ; me, AWURADE, me yeɛ mahã ɔ.

Hesekiel 37:24

“Me somvoɛ Dawide koli bɛ so hene. Mmoaenneafoɛ komapɛ yeɛ ɔkɔnea bɛ mukoraa bɛ so ɔ. Bɛkɔfa me nhyehyɛleɛ bɛkɔbɔ bɛ bra, na bɛkɔnea kyɛ bekoli m’ahyɛdeɛ so ɔ.

Hosea 1:7

Nakoso ngonwu Yuda awuro ama anwumvoin, na ngɔfa AWURADE bɛ Nyameɛ so ngɔpepɛ ngole bɛ. Mengɔfa agyaen anaa ngrandɛ, anaa koɛ, anaa mbɔngɔ, anaa mbɔngɔhanɛfoɛ so yeɛ ngɔpepɛ ngole bɛ ɔ.”

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Numeri 24:19

Sona bie bɔ ofi Yakob abusua nu yeɛ okoli hene ɔ, na nguro nemɔ aso ama bɔ bekonya bɛ ti bekodidi nu ne, okohũhũ bɛ.”

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Mateo 2:2

na bebisale kyɛ, “Yudafoɛ hene bɔ bawo ye ne, nisua yeɛ ɔwɔ ɔ? Ofikyɛ yanwu ye nzramaa wɔ eyia afiteleɛ dɔ, na yawa kyɛ yɛbaasɔne ye.”

Mateo 2:6

‘Wɔ, Betlehem bɔ ɛwɔ Yuda aseɛ so ɔ, wɔ dibea wɔ Yuda atitirefoɛ nu ɔtte ba; ɔnate kyɛ wɔ nu yeɛ maenbulɛniɛ bɔ ɔbaanea me maen Yisrael so ne okofi kɔwa ɔ.’ ”

Mateo 21:6

Yiti asuafoɛ nemɔ hɔle bɛɛyɔle kyɛbɔ Yesu hyɛle bɛ ne ala.

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

Deuteronomi 17:16

Nakoso sona bɔ okoli hene ne de, ɔnzɛ kyɛ ɔma ye mbɔngɔ mɔ sone pee, yeɛ ɔnzɛ kyɛ ɔma mmenia ne sá kɔ Misraim kyɛ ɔkwaapena mbɔngɔ pee, ofikyɛ AWURADE aha ahyire ɛmɔ kyɛ, ‘Ɔnzɛ kyɛ ɛmɔsa bɛ si bɛfa sɔ atee ne aso ko.’

Maenbulɛfoɛ 12:14

Né ole mmaa mmienzua aburanna ne nnomaa mmienzua aburasa. Sɔ mmenia aburasoo ne, né bɛ nu biala le ye ti anwo afunum bɔ ɔtena so ɔ. Abedon buli Yisraelfoɛ maen ne afoɛ mmɔtwɛ.

Maenbulɛfoɛ 5:10

Ɛmɔ bɔ ɛmɔtete afunum fufue mɔ so ɔ, ɛmɔ bɔ ɛmɔtete bɛen paa so ɔ, ɔne ɛmɔ bɔ ɛmɔnate atee noa ɔ, ɛ́mɔto ye nwo dwein.