Mateo 21:41 - AHYERƐLƐ KRONGRON

⁴¹ Na bebuale ye kyɛ, “Okohu sɔ awudifoɛ nemɔ ewue yealɛ, ná wafa bobe boo ne wawura hwɛsofoɛ foforɛ mɔ sa, bɔ bobe telɛ dwu so a bɛkɔfa ye mmakaammaa deɛ bɛkɔma ye ɔ.”

Mateo 21:41 Iomraidhean Croise

Edwein 2:9

Ɛkɔfa buralɛ pɔmaa kobubu bɛ, ná anyoko bɛ kyɛ ngukuenwonɛniɛ ye bua.”

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Sakaria 12:12

Aseɛ ne kɔbɔ awuye, abusua biala kɔbɔ ye deɛ, Dawide awuro ama b’abusua ne kɔbɔ bɛ deɛ, yeɛ bɛ ye mɔ kɔbɔ bɛ deɛ; Natan awuro abusua, bɛkɔbɔ bɛ deɛ, yeɛ bɛ ye mɔ kɔbɔ bɛ deɛ;

Sakaria 13:8

Na ɔkɔwa kyɛ, aseɛ ne aso amukoraa, bekohũhũ nza nu ngyɛmuɛ nyɔ, nakoso nza nu ngyɛmuɛ ko ne de, bɛkɔyakyi bɛ wɔ so, AWURADE noa dwirɛ ɛne.

Mateo 21:34

Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 21:40

Yiti kyẽa bɔ bobe boo mene ne kɔwa ne, nzikyɛ yeɛ ɔkɔfa kɔyɔ sɔ hwɛsofoɛ nemɔ ɔ?”

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Luka 20:16

Ɔkɔwa koohu sɔ hwɛsofoɛ nemɔ, ná wafa bobe boo ne wawura mmenia foforɛ sa.” Na bɛtele sɔ dwirɛ ne nen, besele kyɛ, “Nyameɛ pa gua!”

Asomafoɛ 15:7

Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli.

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

Asomafoɛ 28:28

Afei Pɔɔlo dwurale ye dwirɛ ne kyɛ, “Mema ɛmɔnwu ye kyɛ bafa Nyameɛ ngoalelɛ nwo dwirɛ ne baama Amaenmaensofoɛ, na bekotie koso!” [

Asomafoɛ 28:8

Né ebunu ahye Publio baba ato berɛ; asa koso né ahunundulɛ aha ye. Pɔɔlo hɔle ye berɛ ɔɔbɔle mbaeɛ mane ye, na ɔfale ye sa guale ye so maa ɔtele apɔ.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.