Mateo 21:35 - AHYERƐLƐ KRONGRON

³⁵ Nakoso hwɛsofoɛ nemɔ hyele ye somvoɛ nemɔ, bɛbole ko, behuni ko, yeɛ bɛborole ko wora nyɔboɛ.

Mateo 21:35 Iomraidhean Croise

1 Ahemvo 18:13

Me mene, aso ɛttele bɔ nyɔle ɔ; kyɛ mmerɛ bɔ Yesebɛl okũkũ AWURADE ngɔmhyɛlɛfoɛ ne, mvale AWURADE ngɔmhyɛlɛfoɛ ɛyaa ko mveale aburannu aburannu wɔ nyɔboɛ bɔ wasi sua ɔ nu, ná mmane bɛ aleɛ ne nzue ɔ?

1 Ahemvo 18:4

Mmerɛ bɔ Yesebɛl okũkũ AWURADE ngɔmhyɛlɛfoɛ nemɔ ne, Obadia fale ngɔmhyɛlɛfoɛ ɛyaa ko, ɔhyɛle bɛ nu aburannu aburannu, ɔfale bɛ ɔɔfeale nyɔboɛ bɔ wasi sua ɔ nu, na né ɔma bɛ aleɛ ne nzue.)

1 Ahemvo 19:10

Obuale kyɛ, “Matu me nwo masie berɛ kyɛ meko mema AWURADE Asafo Nyameɛ, ofikyɛ Yisraelfoɛ bahwi bafa w’apam ne aso, badwiri w’afɔleɛ bokyea mɔ bagua ase, yeɛ bele ngrandɛ bahũhũ wɔ ngɔmhyɛlɛfoɛ mɔ. Waha me ngome twe, na bɛpena me beku me.”

1 Ahemvo 19:2

Yeɛ Yesebɛl tuli ɛbɔfoɛ maa oosele Elia kyɛ, “Kyɛ odwu ɛhema bekye sɔa, sɛ mangu wɔ kyɛ mmenia bɔ ahũhũ bɛ ne anu ko a, me koso mmosoen nemɔ behũ me bie.”

1 Ahemvo 22:24

Yeɛ Kenaana awa Sedekia ɔwale Mikaya nwo berɛ ɔɔbɔle ye so anu, na obisale kyɛ, “Aso AWURADE Sunzum kosa me nwo kodwudwo kohyire wɔ?”

2 Aberɛso Dwirɛ 16:10

Asa fɛle biaa bɔ ɔse ase ne aso yaa, na Asa bɔle ye panwu fale ye tole kuku nu, ofikyɛ edwirɛ ne mane Asa fɛle yaa paa. Afei sɔ mmerɛ ne, Asa tanene maen ne anu ama nemɔ bie nye.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 26:8

Na ɔwale kyɛ, Yeremia hane edwirɛ amukoraa bɔ AWURADE fale ahyɛdeɛ mane ye kyɛ ɔhã hyire maen ne amukoraa yiele nen, asɔfo nemɔ ne ngɔmhyɛlɛfoɛ ne maen ne amukoraa bɛhyele ye, na bɛhane kyɛ, “Ehunɛ ala yeɛ odi kyɛ yɛku wɔ ɔ!

Yeremia 37:15

Mbanyi nemɔ fɛle Yeremia so yaa hahii, na bɛbole ye bɛfale ye bɛtole kuku nu wɔ ahyerɛlɛniɛ Yonatan awuro, ofikyɛ né bafa berɛ bakakyi kuku nu.

Mateo 21:34

Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 21:36

Osa somane somvoɛ mɔ bɔ bɛsone bɛtra bɛ bɔ beli moa ne ɔ; na sɔ ala yeɛ bɛyɛle bɛ ɔ.

Mateo 5:12

Ɛ́mɔma ɛmɔ nye gye ná ɛ́mɔli ahurusi, ofikyɛ ɛmɔ akatuaa sone wɔ nyameɛso. Ofikyɛ sɔ ala yeɛ bɛtanene ngɔmhyɛlɛfoɛ bɔ belili ɛmɔ nyunu moa nemɔ nye ɔ.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Nyekyire 6:9

Na ɔtele nzɔanoɛ bɔ ɔtɔ so nnu ne noa ne, bɛ bɔ ɔnate Nyameɛ dwirɛ ne ne b’adanzeɛ bɔ belili ti behuni bɛ ne, nwuni bɛ kra mɔ wɔ afɔleɛ bokyea ne abo.