Mateo 21:34 - AHYERƐLƐ KRONGRON

³⁴ Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 21:34 Iomraidhean Croise

Yesaya 5:4

Nzikyɛ bieku yeɛ ahaa odi kyɛ meyɔ ye me bobe boo ne anu bɔ manyɔ ɔ? Mvale me nye ndole so kyɛ okosu mmaa paa, nzu ati yeɛ wasu mmaa bisii ɔ?

Yeremia 35:15

Mahɔ so masoma me somvoɛ ngɔmhyɛlɛfoɛ amukoraa wɔ ɛmɔ berɛ dee kyɛ, ‘Odi kyɛ ɛmɔ anu biala sakyera ye adwene wɔ ye bɔne atee nwo, ná ɔbɔ bra paa; na nnɛma ɛmɔkodi nyameɛ foforɛ mɔ si bɛso bɛ, amaa ɔnate so ɛmɔatena aseɛ bɔ mva mane ɛmɔ ne ɛmɔ nana mɔ ne aso. Nakoso ɛmɔanyɛ asoɛ bandie me dwirɛ.

Mateo 21:35

Nakoso hwɛsofoɛ nemɔ hyele ye somvoɛ nemɔ, bɛbole ko, behuni ko, yeɛ bɛborole ko wora nyɔboɛ.

Mateo 21:38

Nakoso mmerɛ bɔ hwɛsofoɛ nemɔ nwuni ɔwa ne nen, besisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná yɛfa ye agyapadeɛ ne!’

Mateo 21:40

Yiti kyẽa bɔ bobe boo mene ne kɔwa ne, nzikyɛ yeɛ ɔkɔfa kɔyɔ sɔ hwɛsofoɛ nemɔ ɔ?”

Mateo 21:41

Na bebuale ye kyɛ, “Okohu sɔ awudifoɛ nemɔ ewue yealɛ, ná wafa bobe boo ne wawura hwɛsofoɛ foforɛ mɔ sa, bɔ bobe telɛ dwu so a bɛkɔfa ye mmakaammaa deɛ bɛkɔma ye ɔ.”

Mateo 22:3

Na ɔsomane ye somvoɛ mɔ kyɛ bɛɛfrɛfrɛ bɛ bɔ wato ye sa wafrɛ bɛ kyɛ bɛbra atɔmvorɛ ne abo ne, nakoso bambene so kyɛ bɛkɔwa ɔ.

Marko 12:1

Na Yesu hyɛle ye bo dwudwo hyirele bɛ wɔ anyandera nu kyɛ, “Biaa bie yɔle bobe boo, olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Marko 12:7

Nakoso sɔ hwɛsofoɛ nemɔ sisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná agyapadeɛ ne ɔyɛ yɛ deɛ!’

Marko 12:9

“Nzikyɛ nikye yeɛ bobe boo mene ne ɔkɔyɔ ɔ? Ɔkɔwa koohu hwɛsofoɛ nemɔ, ná wafa bobe boo ne wawura mmenia foforɛ sa.

Luka 20:9

Na Yesu hyɛle ye bo buli anyandera he hyirele mmenia nemɔ kyɛ, “Biaa bie yɔle bobe boo, ɔfa wurale hwɛsofoɛ biemɔ sa, na otuli atee hɔle maen bie aso dedeede ɔɔhyɛle.