Mateo 21:3 - AHYERƐLƐ KRONGRON

³ Na sɛ ebie bisa ɛmɔ dwirɛ biala a, ɛmɔhã kyɛ, ‘Awurade hia bɛ,’ na berɛ ne ala, ɔkɔmaa ɛmɔkɔfa bɛ bɛkɔwa.”

Mateo 21:3 Iomraidhean Croise

1 Ahemvo 17:9

“Kɔ Sarefate bɔ ɔwɔ Sidon mbɔtam nu ne kekesaala ye kɔtena dɔ; ofikyɛ mafa ahyɛdeɛ mama braa bie wɔ dɔ kyɛ ɔma wɔ aleɛ.”

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:5

Na ɛhe mane Yuda ne Benyamin abusua nu mbanyi, asɔfo ne Lewifoɛ, yeɛ ebiala bɔ Nyameɛ kanyane ye ne, ɔboaboale ye nwo kyɛ ɔkɔ Yerusalem osa kosi AWURADE awuro ne.

Ɛsra 7:27

(Yeɛ Ɛsra sele kyɛ,) “AWURADE, yɛ nana mɔ Nyameɛ bɔ wafa sɔ adwene paa he wawura Nana Atasɛsɛse ti anu, kyɛ ɔfa siesie AWURADE awuro bɔ ɔwɔ Yerusalem maa ɔyɛ nyemene ne, animnyam hã ye,

Edwein 24:1

Aseɛ ye, ɔne so nningyein amukoraa bɛte AWURADE deɛ; ewiase ne bɔ ɔwɔ nu amukoraa bɛte ye deɛ,

Mateo 21:2

sele bɛ kyɛ, “Ɛmɔhɔ akuraa bɔ ɔwɔ ɛmɔ nyunu dɔ ne anu, na ɛmɔdwu berɛ pɛ a, ɛmɔkonwu afunum bɔ bamenda ye ɔ, ɔne ɔwa; ɛ́mɔsangye bɛ ná ɛ́mɔfa bɛ bɛbrɛ me.

Mateo 21:4

Na ɛhe sili maa bɔ ngɔmhyɛlɛniɛ ne hane ne wale nu kyɛ,

Yohane 17:2

kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Asomafoɛ 17:25

yeɛ nna sona sa yeɛ bɛfa bɛsɔne ye ɔ, kyɛ ebiaa ohia nikyee bie ɔ; ofikyɛ ye bɔbɔ yeɛ ɔma sona biala ngoa ne nwomeɛ ne nikyee biala ɔ;

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

1 Samuel 10:26

Sɔɔlo koso hɔle ye awuro wɔ Gibea, na koɛhonɛfoɛ biemɔ bɔ Nyameɛ kanyane bɛ ɔ yeɛ bɛfale ye bɛhɔle ɔ.