Mateo 21:15 - AHYERƐLƐ KRONGRON

¹⁵ Nakoso asɔfo mbanyi ne ahyerɛlɛfoɛ nemɔ nwuni anwanwadeɛ mɔ bɔ ɔyɔle ne, ɔne ngwadaa bɔ bɛteatea nu wɔ asɔneyɛɛ sua nu berɛ kyɛ, “Hosana hã Dawide Awa ne” nen, wanyɛ bɛ fɛ koraa.

Mateo 21:15 Iomraidhean Croise

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Mateo 20:24

Na asuafoɛ buru ne tele edwirɛ he nen, bɛfɛle aliɛmaa nyɔ nemɔ so yaa.

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Mateo 22:42

kyɛ, “Kristo ne, ɛmɔdwene ye nwo sɛ? Nwa awa ɛne?” Bebuale ye kyɛ, “Dawide awa ɛne.”

Mateo 26:3

Yeɛ asɔfo mbanyi ne maen mbanyi beeyiale ɔsɔfo panyi paa bɔ bɛfrɛ ye Kaifa n’ahemvie,

Mateo 26:59

Na asɔfo mbanyi nemɔ ne badwafoɛ ne amukoraa bɛpenane edwirɛ bɔ bɛkɔfa bekoli Yesu nwo adanzewia ɔ, amaa ɔnate so banya ye bahu ye;

Mateo 27:1

Na aleɛ hyene ne, asɔfo mbanyi ne maen mbanyi amukoraa bɛhɔle Yesu nwo agyina bɛbɔle porɛ kyɛ bekohu ye.

Mateo 27:20

Yeɛ asɔfo mbanyi ne maen mbanyi nemɔ bɛyele bɛ nye bewurale ɛlɔen ne kyɛ bɛsrɛ ma ɔyakyi Baraba, ná behũ Yesu.

Mateo 9:27

Yesu fili berɛ kyɛ ɔkɔ nen, anyesiniwaafoɛ nyɔ lili ye si bɛteateane nu kyɛ, “Dawide Awa, nwu yɛ anwumvoin!”

Marko 11:18

Na asɔfo mbanyi ne ahyerɛlɛfoɛ nemɔ bɛtele sɔ dwirɛ ne nen, bɛpenane atee bɔ bɛkɔfa so bekohu ye ɔ; nakoso né besuro ye, ofikyɛ ye ngyerɛkyerɛ ne yɛle ɛlɔen ne amukoraa nwanwa.

Luka 20:1

Na ɔwale kyɛ ɛlɛho bie, bɔ né Yesu ɔyɛ ngyerɛkyerɛ kyire mmenia wɔ asɔneyɛɛ sua ne anu, ná osa kã nzɛmba nen, asɔfo mbanyi ne ahyerɛlɛfoɛ ne maen mbanyi bɛwale ye berɛ,

Luka 22:2

Né asɔfo mbanyi ne ahyerɛlɛfoɛ nemɔ bɛpena atee bɔ bɛkɔfa so bekohu Yesu ɔ, ofikyɛ né besuro ɛlɔen ne.

Luka 22:66

Na aleɛ hyene ne, maen mbanyi ne asɔfo mbanyi ne ahyerɛlɛfoɛ nemɔ beyiale, na bɛfale ye bɛhɔle bɛ badwa ne anyunu, na besele ye kyɛ,

Yohane 11:57

Né asɔfo mbanyi ne Farasiifoɛ nemɔ bahyɛ mmeraa kyɛ, sɛ ebie se nekaa bɔ ɔwɔ a, ohyire bɛ ma bɛɛhye ye.

Yohane 12:19

Yeɛ Farasiifoɛ nemɔ sisele bɛ nwo kyɛ, “Yeɛ ɛmɔanwu kyɛ ɛmɔngɔhora bɛngɔyɔ ye nwo huu! Ɛ́mɔnea, kyɛ ewiase atu bi waali ye si ɔ.”

Yohane 4:1

Afei Yesu nwuni kyɛ Farasiifoɛ nemɔ bate kyɛ ye, Yesu, ogu so onya asuafoɛ pee, ná ɔbɔ mmenia pee asu ɔtra Yohane.

Yohane 7:42

Ahyerɛlɛ ne, aso wanga kyɛ Kristo ne kɔyɛ Dawide bosoniɛ, na Betlehem kuro bɔ Dawide tenane so ne anu yeɛ okofi ɔ?”