Mateo 21:12 - AHYERƐLƐ KRONGRON

¹² Yesu wurale [Nyameɛ] asɔneyɛɛ sua ne anu, na ɔfoane bɛ bɔ bɛtɔne nningyein ne bɛ bɔ bɛtɔ amukoraa fili asɔneyɛɛ sua nu berɛ. Na obutubutuli sikaasesãlɛfoɛ bɛ poen nemɔ, yeɛ bɛ bɔ bɛtɔne mmorɔnoma ɔ bɛ bia mɔ.

Mateo 21:12 Iomraidhean Croise

Ɛksadɔso 30:13

Ebiala bɔ bɛkɔha ye wɔ mmeniahalɛ ne anu ne, sɔaa yeɛ okotua ɔ: sekel bue, kyɛbɔ nekaa krongron berɛ sekel te ɔ, (sekel ko te gyera aburanyɔ.) Sɔ sekel bue ne te afɔleɛbɔlɛ nikyee ma AWURADE.

Lewitikɔso 1:14

“Sɛ nnomaa yeɛ ɔfa bɔ naen yeralɛ afɔleɛ ma AWURADE a, ye de odi kyɛ ɔma ye afɔleɛ ne yɛ mmorɔma anaa aborɔnoma buruwa.

Lewitikɔso 12:6

“Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 14:22

mmorɔma nyɔ anaa mmorɔnoma buruwa nyɔ bɔ ye nwo kɔsõ so ɔ: ko te bɔne nwo afɔleɛ yeɛ ko ne koso te naen yeralɛ afɔleɛ.

Lewitikɔso 14:30

Mmorɔma anaa mmorɔnoma buruwa bɔ sona ne nwo kɔsõ so ne, ɔsɛ kyɛ ɔsɔfo ne fa bɔ afɔleɛ.

Lewitikɔso 15:14

Ye ɛlɛbɔtwɛ ne aso, odi kyɛ ɔfa mmorɔma nyɔ anaa mmorɔnoma buruwa nyɔ ɔba AWURADE nyunu wɔ ɛtena sua atenaleɛ anoa nu berɛ, ná ɔ́fa bɛ ma ɔsɔfo ne.

Lewitikɔso 15:29

Ye ɛlɛbɔtwɛ ne aso, odi kyɛ braa ne fa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

Lewitikɔso 5:11

“Nakoso sɛ ye nwo ngɔso mmorɔma nyɔ anaakyɛ mmorɔnoma buruwa nyɔ so a, ye de ɔnate bɔne bɔ wayɔ ne ati, ɔ́fa aburoo esam paa olonka ko ɔɔbɔ bɔne nwo afɔleɛ. Nnɛmaa ɔfa ngoo anaa ɛyɛɛ gua so, ofikyɛ ɔte bɔne nwo afɔleɛ.

Lewitikɔso 5:7

“Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Marko 11:11

Afei Yesu dwuli Yerusalem, na owurale asɔneyɛɛ sua ne anu; na ɔtotole ye nye neane nikyee biala. Né aleɛ pena sa, na ɔne asuafoɛ buru ne nyɔ ne befili berɛ bɛhɔle Betania.

Luka 2:24

na bɛɛbɔle afɔleɛ kyɛbɔ bahã ye wɔ Awurade mmeraa ne anu ne, bɔ ɔte mmorɔma nyɔ anaa mmorɔnoma mmaa nyɔ.

Yohane 2:13

Né Yudafoɛ Abɔtra aluolue ne apingye, na Yesu hɔle Yerusalem.