Mateo 21:11 - AHYERƐLƐ KRONGRON

¹¹ Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Mateo 21:11 Iomraidhean Croise

Mateo 2:23

Na ɔhɔle kuro bie bɔ bɛfrɛ ye Nasarɛte so ɔɔtenane berɛ. Na ɛhe mane bɔ ngɔmhyɛlɛfoɛ nemɔ hane ne wale nu kyɛ, “Bɛkɔfrɛ ye Nasarɛteniɛ.”

Mateo 21:10

Na odwuli Yerusalem nen, kurotue ne amukoraa bɛbɔle twi bebisale kyɛ, “Na nwa ɛhe?”

Mateo 21:26

Yeɛ sɛ yɛkã kyɛ, ‘Ofi mmenia berɛ’ a, yɛsuro mmenia worawora ne, ofikyɛ bɛ mukoraa bebu Yohane kyɛ ɔte ngɔmhyɛlɛniɛ.”

Mateo 21:46

Yiti bɛyɛle kyɛ bɛkɔhye ye, nakoso né besuro ɛlɔen ne; ofikyɛ né ɛlɔen ne bu ye kyɛ ɔte ngɔmhyɛlɛniɛ.

Marko 6:15

Né ebiemɔ bɛnwa, “Elia ɔ,” yeɛ ebiemɔ koso bɛnwa, “Ɔte ngɔmhyɛlɛniɛ kyɛ daa tete ngɔmhyɛlɛfoɛ nemɔ nu ko.”

Luka 13:33

Nakoso ɛnɛ ne ɛhema ne ye alehyeleɛ de, ɔsɛ kyɛ metoa m’ateetulɛ ne aso; ofikyɛ ɔkɔyɛ se kyɛ bekohu ngɔmhyɛlɛniɛ wɔ nekaa bie, sana Yerusalem.

Luka 24:19

Na obisale bɛ kyɛ, “Nzikyɛ dwirɛ ɔ?” Na bebuale ye kyɛ, “Ɔfa Nasarɛteniɛ Yesu bɔ ɔte ngɔmhyɛlɛniɛ bɔ ole tumi wɔ nnwumaa ne edwudwolɛ nu, wɔ Nyameɛ ne maen ne amukoraa nyunu nwo,

Luka 7:16

Na ɛserɛ tɔle bɛ mukoraa bɛ so, na bɛyele Nyameɛ ayɛ kyɛ, “Ngɔmhyɛlɛniɛ piri adwɔso wɔ yɛ nu, na Nyameɛ waanea ye maen!”

Luka 7:39

Na Farasiiniɛ bɔ ɔtole ye sa frɛle ye ne, onwuni ye sɔ nen, ɔhane ye wɔ ye ti anu kyɛ, “Sɛ biaa he ɔte ngɔmhyɛlɛniɛ a, braa bɔ ɔsosɔ ye nu ye, ahaa okonwu ye suban ne brasua horɛ, ofikyɛ ɔte bɔnefoɛ.”

Yohane 1:21

Na bebisale ye kyɛ, “Nzaade, nwa ole wɔ? Wɔ ole Elia anaa?” Na obuale kyɛ, “Nna me ole ye.” Na besa bebisale kyɛ, “Wɔ ole ngɔmhyɛlɛniɛ ne anaa?” Na obuale kyɛ, “Daabi.”

Yohane 1:25

bebisale ye kyɛ, “Na sɛ nna wɔ ole Kristo ne, anaa Elia, anaa ngɔmhyɛlɛniɛ ne a, né nzu ati yeɛ ɛ́bɔ asu ɔ?”

Yohane 4:19

Braa ne sele ye kyɛ, “Yɛ mene, menwu ye kyɛ ɛte ngɔmhyɛlɛniɛ.

Yohane 6:14

Na mmenia ne nwuni sɛngyerɛnneɛ bɔ ɔyɔle nen, bɛhane kyɛ, “Amba, ngɔmhyɛlɛniɛ bɔ ɔ́ba wiase ne, ye ɛhe!”

Yohane 7:40

Na mmenia ne tele sɔ dwirɛ nen, bɛ nu biemɔ hane kyɛ, “Ngɔmhyɛlɛniɛ ne ɛhe amba!”

Yohane 9:17

Yiti besa bebisale anyesiniwaaniɛ ne kyɛ, “Wɔ koso, nzikyɛ yeɛ ɛkã fa ye nwo ɔ, ye bɔ ɔtele wɔ nye ne?” Na osele kyɛ, “Ɔte ngɔmhyɛlɛniɛ.”

Asomafoɛ 7:37

Mose komapɛ ne ala yeɛ ɔhã hyirele Yisraelfoɛ kyɛ, ‘Nyameɛ kɔsoma ngɔmhyɛlɛniɛ bɔ ɔte ɛmɔ aliɛma ɔ maa ɔkɔwa ɛmɔ berɛ, kyɛbɔ wasoma me ne.’