Mateo 20:8 - AHYERƐLƐ KRONGRON

⁸ “Na aleɛ dwole nen, bobe boo mene ne sele ye hwɛsoniɛ ne kyɛ, ‘Frɛ adwumayɔlɛfoɛ nemɔ ná tua bɛ kerɛ; hyɛ ye bo fi bɛ bɔ bɛwale nziɛ nemɔ aso kɔpem bɛ bɔ belili moa bɛwale ne aso.’

Mateo 20:8 Iomraidhean Croise

Gyenesise 15:2

Nakoso Abram bisale kyɛ, “O, AWURADE Nyameɛ, nzikyɛ yeɛ ɛkɔfa kɔma me ɔ? Nea kyɛ nnne ba, na Eliesa bɔ ofi Damasko yeɛ okoli me bia ɔ.”

Gyenesise 43:19

Yiti bɛhɔle Yosef awuro so neafoɛ ne berɛ wɔ awuro ne anoa nu, na behyirele edwirɛ ne anu

Lewitikɔso 19:13

“Nnɛdi ebiɛngo ndurum, nnɛwua ye, yeɛ nnɛfa paaniɛ akatuaa wura wɔ nwo ma aleɛ kye so.

Mateo 20:7

Bebuale ye kyɛ, ‘Ofikyɛ ebiala ɔbbɔle yɛ paa’. Yeɛ osele bɛ kyɛ, ‘Ɛmɔ koso, ɛmɔhɔ me bobe boo ne anu bɛɛyɔ adwuma’.

Mateo 20:9

Na bɛ bɔ ɔbɔle bɛ paa kɔyɛ nɔsoa nnɔnnum ne, bɛwale ne, ɔmane ebiala denare ko.

Mateo 25:19

“Na ɔhyɛle dee ne, ngoaa nemɔ bɛ mene ne osa wale, na ɔne bɛ beebuli ngondaa.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Luka 10:7

Na awuro ne anu ala yeɛ odi kyɛ ɛmɔtena ɔ; na ɛ́mɔli ná ɛmɔno bɔ bɛkɔfa bɛkɔma ɛmɔ ɔ, ɔnate kyɛ adwumayɔlɛniɛ fata kyɛ ye sa kã ye akatuaa. Nnɛma ɛmɔdi awuro nu tutena.

Luka 12:42

Na Awurade buale kyɛ, “Nwa ole awuro so neafoɛ nahorɛniɛ ne nworɛniɛ ne, bɔ ye mene kɔfa ye awuro berɛ ngoaa mɔ kowura ye sa, kyɛ ɔma bɛ b’aleɛ wɔ mmerɛ bɔ ɔsɛ ɔ nu ɔ?

Luka 8:3

yeɛ Yoana bɔ ohu Kusa te Herode awuro somvoɛ panyi ne, yeɛ Susana ne mmrasua pee bɔ bɛfale bɔ bele ye ɔ bɛsole ye ne.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

Deuteronomi 24:15

Kyẽa biala bɔ ɔkɔyɔ adwuma ne, tua ye kerɛ koraka né eyia atɔ, ofikyɛ ɔte ehianiɛ, na ye nyunu ne ye si ɛne. Anyɔ a, okosũ kohyire AWURADE kogua wɔ so, na ɔkɔkakyi bɔne kɔma wɔ.

Tito 1:7

Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

Hebrifoɛ 9:28

sɔ ala yeɛ Kristo bɔ bɛfale ye bɛbɔle afɔleɛ komapɛ kyɛ ɔsoa mmeni pee bɛ bɔne ne, okosa kɔwa ye pɛen so ɔ; ɔmmangyikyi bɔne, na mmom ɔbaale bɛ bɔ bɛ́nea ye ate nemɔ ngoa.

1 Petro 4:10

Na kyɛbɔ ɛmɔ nu biala wanya adom akyɛdeɛ ne, ɛ́mɔfa bɛ́so ɛmɔ nwo ɛmɔ nwo, kyɛ Nyameɛ adom ahoroɔ ne nwo neafoɛ paa mɔ.

Rutu 2:6

Yeɛ somvoɛ bɔ ɔnea ayuotelɛfoɛ nemɔ aso ne buale kyɛ, “Moaboniɛ bɔ ɔne Naomi befili Moabo aseɛ so bɛwale ne, ye ɛne.