Mateo 20:7 - AHYERƐLƐ KRONGRON

⁷ Bebuale ye kyɛ, ‘Ofikyɛ ebiala ɔbbɔle yɛ paa’. Yeɛ osele bɛ kyɛ, ‘Ɛmɔ koso, ɛmɔhɔ me bobe boo ne anu bɛɛyɔ adwuma’.

Mateo 20:7 Iomraidhean Croise

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Mateo 20:1

“Nyameɛso ahennie ne, ɔte kyɛ eboo mene bie bɔ ngyerɛmɔ tutuutu ɔhɔle kyɛ ɔkwaabɔ adwumayɔlɛfoɛ paa maa bɛyɔ adwuma wɔ ye bobe boo nu ɔ.

Mateo 20:6

Na kɔyɛ nɔsoa nnɔnnum, ɔhɔle dwaaso dɔ oonwuni mmenia biemɔ kyɛ begyigyi berɛ mbaen ɔ; na obisale bɛ kyɛ, ‘Nzu ati yeɛ ɛmɔgyigyi wa ɛnɛ amukoraa bɔ ɛmɔnyɔ hwee ɔ?’

Mateo 20:8

“Na aleɛ dwole nen, bobe boo mene ne sele ye hwɛsoniɛ ne kyɛ, ‘Frɛ adwumayɔlɛfoɛ nemɔ ná tua bɛ kerɛ; hyɛ ye bo fi bɛ bɔ bɛwale nziɛ nemɔ aso kɔpem bɛ bɔ belili moa bɛwale ne aso.’

Yohane 9:4

Na mmerɛ bɔ alehyeleɛ wɔ berɛ ye de, ɔsɛ kyɛ yɛyɔ bɔ ɔsomane me ne nnwumaa; na alesaleɛ ɔ́ba bɔ ebiala ngɔhora ngɔyɔ adwuma ɔ.

Asomafoɛ 4:16

bebisale bɛ nwo kyɛ, “Mmenia hemɔ koraa, nzikyɛ yeɛ yɛ́fa yɛ́yɛ bɛ ɔ? Ofikyɛ wala ali wɔ ebiala bɔ ɔwɔ Yerusalem ɔ nyunu kyɛ ɔnate bɛ so yeɛ sɛngyerɛnneɛ sonongo he wasi ɔ, na yɛngɔhora yɛngɔkata so.

Romanfoɛ 16:25

Bɔ ɔkora ma ɛmɔ tindim, kyɛbɔ me nzɛmba ne Yesu Kristo nwo nzɛmba ne ɔte ne, kyɛbɔ mvealeɛ nu dwirɛ bɔ bɛfa bɛfeale daa tete ne ɔte ne,

Ɛfesofoɛ 6:8

Na ɛmɔse kyɛ nikye paa biala bɔ sona yɔ ne, sɛ ɔte akoaa oo, dehyeɛ oo, okonya ye nwo akatuaa kofi Awurade berɛ.

Kolosefoɛ 1:26

mvealeɛ nu dwirɛ bɔ ofi tete ne aworɛ ndoatoasoɛ so bafa bafea ɔ, nakoso kekesaala ye de baye bahyire anwoteefoɛ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.