Mateo 20:34 - AHYERƐLƐ KRONGRON

³⁴ Yiti Yesu nwuni bɛ anwumvoin, ɔfale ye sa hane bɛ nye, na berɛ ne ala benwuni nikye, na belili ye si.

Mateo 20:34 Iomraidhean Croise

Edwein 119:67

Anzana ɛbaahwe me so ne, né mali makyebu, nakoso afei de, medi wɔ dwirɛ so.

Edwein 119:71

Ɔte paa ma me kyɛ ɛhwene me so ɔ, amaa ɔnate so masua w’ahyɛdeɛ ne.

Edwein 145:8

AWURADE do mmenia, na ɔse anwumvoin; ye ahone nhu ndɛ, na ye ɔdɔ bɔ onni ngasi ne, ɔsone.

Mateo 14:14

Ofili ɛlɛen ne anu dwuli ná onwuni mmenia wora nen, bɛyɛle ye anwumvo, na ɔsale bɛ nu ayarefoɛ nemɔ anwonyerɛ.

Mateo 15:32

Afei Yesu frɛle ye asuafoɛ nemɔ, na osele bɛ kyɛ, “Mmenia hemɔ bɛyɛ me anwumvo, ofikyɛ bali me nwo wa ɛlɛsa ɛhe, bɔ nikye fee nne berɛ bɔ bekoli ɔ; na menguro kyɛ ngɔmaa bɛkɔfa ɛhɔen bekosa bɛkɔhɔ ɔ, anyɛ a, né bapepɛ bafi atunu.”

Mateo 20:33

Bebuale ye kyɛ, “Awurade, maa yɛnwu nikye.”

Mateo 21:1

Na mmerɛ bɔ bepingyele Yerusalem, ná bedwuli Betefage bɔ ɔwɔ Olive Bokaa ne anwo nen, Yesu somane asuafoɛ nemɔ nyɔ

Mateo 8:15

Na ɔɔsɔle ye sa, na ebunu ne tu fili ye nwo, na odwɔsole sole ye.

Mateo 9:29

Yeɛ Yesu fale ye sa hane bɛ nye, na ɔhane kyɛ, “Kyɛbɔ ɛmɔ gyidie te ne, ɔ́yɛ sɔ ala ma ɛmɔ!”

Mateo 9:36

Na onwuni mmenia pembepembe ne, bɛyɛle ye anwumvo, ofikyɛ né bafɛ, na né bɛsamo berɛ kyɛ mmoaen bɔ belle neafoɛ ɔ.

Marko 7:33

Na Yesu fale biaa ne fili ɛlɔen ne anu hɔle ahameɛ, ɔfale ye sa mmɛseka wurale ye so anu, na ɔfele nwɔserɛ fa hane ye temverema;

Luka 18:43

Na berɛ ne ala, onwuni nikye, na olili Yesu si hyɛle Nyameɛ animnyam. Na ɛlɔen ne amukoraa benwuni bɔ wasi nen, bɛ bɛyele Nyameɛ ayɛ.

Luka 22:51

Na Yesu hane kyɛ, “Daabi, nnɛma ɛmɔyɔ sɔ ko!” Na ɔfale ye sa hane ye so ne maa ɔyɛle kyɛ ye daa ne ala.

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.