Mateo 20:30 - AHYERƐLƐ KRONGRON

³⁰ Na yieee, né anyesiniwaafoɛ nyɔ bɛtete atee ne noa berɛ. Na bɛtele kyɛ Yesu ɔpɛ nu ne, bɛteateane nu kyɛ, “O Awurade, Dawide Awa, nwu yɛ anwumvoin!”

Mateo 20:30 Iomraidhean Croise

Edwein 146:8

AWURADE te anyesiniwaafoɛ bɛ nye, AWURADE ma bɛ bɔ baboto ɔ so, AWURADE kuro teneneefoɛ bɛ dwirɛ.

Yesaya 29:18

Sɔ kyẽa ne, asotiniwaaniɛ kɔte nwomaa ne anu dwirɛ, na anyesiniwaafoɛ bɛ nye kofi awosii kabii nu konwu nikye.

Yesaya 42:16

Na ngɔyɛ anyesiniwaafoɛ taataa ngɔfa atee bɔ bɛnze so ɔ so; ngoli bɛ nyunu ngɔfa atimbire bɔ bɛnze so ɔ so. Ngɔma awosii kɔkakyi hyireinn wɔ bɛ nyunu, na ngɔma mmɔnga mmɔnga atee ne kɔla so. Bɔ ngɔyɔ ngɔma bɛ hɔ ɛne, na mengɔye me sa mengofi bɛ bo.

Yesaya 42:18

Asotiniwaafoɛ, ɛ́mɔtie! Anyesiniwaafoɛ, ɛ́mɔnea, amaa ɔnate so ɛmɔanwu ye!

Yesaya 59:10

Yɛfuafua yɛpena terɛ kyɛ anyesiniwaafoɛ, yɛfuafua kyɛ bɛ bɔ belle anyeɛ ɔ; yɛsoti eyia ketee kyɛ kɔngɔen ahɔ ɔ, na yɛte kyɛ awufoɛ wɔ anwoserɛfoɛ nu.

Mateo 13:4

Na ɔpete nen, bakaammaa ne bie ooguale atee noa, na nnomaa wale beesusole.

Mateo 15:22

Na yieee, Kanaanniɛ braa bie bɔ ofi mbɔtam berɛ ɔ wale, na ɔteane nu kyɛ, “O Awurade, Dawide Awa, nwu me anwumvoin, na sunzummɔne bie ɔha mma brasua paa.”

Mateo 20:31

Na ɛlɔen ne dwudwole bɛ kyɛ bemua bɛ noa. Nakoso bekye po yeɛ bɛteateane nu serɛserɛ bieku kyɛ, “O Awurade, Dawide Awa, nwu yɛ anwumvoin oo!”

Mateo 21:14

Na anyesiniwaafoɛ ne mbakye wale ye berɛ wɔ asɔneyɛɛ sua ne anu, na ɔsale bɛ anwonyerɛ.

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Mateo 22:42

kyɛ, “Kristo ne, ɛmɔdwene ye nwo sɛ? Nwa awa ɛne?” Bebuale ye kyɛ, “Dawide awa ɛne.”

Marko 10:46

Afei bedwuli Yeriko. Na mmerɛ bɔ Yesu ne ye asuafoɛ nemɔ ne mmenia pee befi Yeriko bɛkɔ nen, né Timeo awa Batemeo, bɔ ɔte anyesiniwaaniɛ ɔ, ɔte atee noa berɛ ɔsrɛsrɛ nikye.

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Luka 7:21

Na sɔ mmerɛ ne anu ala, Yesu sale mmenia pee anwonyerɛ ne ɛhawo, na otutuli bɛ sunzummɔne mɔ, na mmenia pee bɔ bɛ nye asi koso, ɔmaa benwuni nikye.

Asomafoɛ 2:30

Né ɔte ngɔmhyɛlɛniɛ, na né ɔse kyɛ Nyameɛ ata ndaen wahã wahyire ye kyɛ ɔkɔma ye bosofoɛ nemɔ ko koli ye bia.