Mateo 20:27 - AHYERƐLƐ KRONGRON

²⁷ yeɛ ebiala bɔ ɔpena kyɛ odi moa wɔ ɛmɔ nu ne, ɔsɛ kyɛ ɔyɛ ɛmɔ akoaa,

Mateo 20:27 Iomraidhean Croise

Mateo 18:4

Na ebiala bɔ ɔkɔbrɛ ye nwo ase kyɛ akwadaa he nen, ye yeɛ ɔte titire paa wɔ nyameɛso ahennie ne anu ɔ.

Mateo 20:26

Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Luka 22:26

Nakoso ɛmɔ de, ɔnzɛ kyɛ ɔba ye sɔ ɔ; na mmom bɔ ɔte titire wɔ ɛmɔ nu ne, ɔsɛ kyɛ ɔyɛ kyɛ ɔte kãa; yeɛ bɔ ɔla ɛmɔ noa ne, ɔsɛ kyɛ ɔyɛ kyɛ ebie bɔ ɔso ɔ.

Romanfoɛ 1:14

Ofikyɛ ɔte asodie ma me kyɛ mebɔ nzɛmba ne dawure mekyire Helafoɛ ne Pɔtɔfoɛ, nimdeɛfoɛ ne bɛ bɔ belle nimdeɛ ɔ.

2 Korintofoɛ 11:5

Nakoso menne menni kyɛ sɔ “asomafoɛ atitire” nemɔ bɛtra me ɔ.

2 Korintofoɛ 12:15

Na me de, ɔkɔyɛ me fɛ kyɛ ɔnate ɛmɔ kra ti ngɔhwere me nikyee biala, ɔne me bɔbɔ me mumua ne. Na sɛ mekuro ɛmɔ dwirɛ pee sɔa a, né nzu ati yeɛ ɛmɔ de ɛmɔkuro me dwirɛ kãa bie ɔ?

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.