Mateo 20:26 - AHYERƐLƐ KRONGRON

²⁶ Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Mateo 20:26 Iomraidhean Croise

Hesekiel 24:13

Nu naakye ne gyi berɛ ma w’adwaman bra ne. Ahaa mepena kyɛ mete wɔ nwo mefi w’adwaman bra ne anwo, nakoso amma wɔ nwo ande wamvi wɔ nyanzoen bra ne anwo, yiti wɔ nwo ngɔte ngofi wɔ nwo fiɛ ne anwo ko, kɔpem kyɛ ngɔhwe wɔ so maa m’ahone bɔ wahu wɔ so ne ɔkɔtɔ nzue nu ɔ

Mateo 20:27

yeɛ ebiala bɔ ɔpena kyɛ odi moa wɔ ɛmɔ nu ne, ɔsɛ kyɛ ɔyɛ ɛmɔ akoaa,

Mateo 25:44

“Na bɛ koso bekobua kyɛ, ‘Awurade, kyinzu yeɛ yɛnwuni wɔ kyɛ ɛhɔen ku wɔ anaakyɛ nzuhɔen ku wɔ, anaa ayɛ wɔfoɛ, anaa wɔ nwo la so, anaa wɔ nwo yɛ wɔ yea, anaa ɛla kuku nu bɔ yammoka wɔ ɔ?’

Mateo 27:55

Né mmrasua pee wɔ berɛ bɔ begyigyi nziɛ bɛnea, na bɛ yeɛ belili Yesu si fili Galilea bɛsole ye ɔ;

Marko 10:43

Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Marko 10:45

Ofikyɛ Sona Awa ne po wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa.”

Marko 9:35

Yeɛ Yesu tenane ase, ɔfrɛle asuafoɛ buru ne nyɔ ne, na osele bɛ kyɛ, “Sɛ ebie pena kyɛ odi moa a, maa oli bɛ mukoraa bɛ si, ná ɔyɛ bɛ mukoraa bɛ somvoɛ.”

Luka 18:14

Na Mekã mekyire ɛmɔ kyɛ, sɔ sona he mmom yeɛ Nyameɛ buale be maa ɔhɔle ye awuro ɔ, na nna ko ne ɔ; ofikyɛ ebiala bɔ ɔma ye nwo so ne, bɛkɔbrɛ ye ase, nakoso bɔ ɔbrɛ ye nwo ase ne de, bɛkɔma ye so.”

Luka 22:26

Nakoso ɛmɔ de, ɔnzɛ kyɛ ɔba ye sɔ ɔ; na mmom bɔ ɔte titire wɔ ɛmɔ nu ne, ɔsɛ kyɛ ɔyɛ kyɛ ɔte kãa; yeɛ bɔ ɔla ɛmɔ noa ne, ɔsɛ kyɛ ɔyɛ kyɛ ebie bɔ ɔso ɔ.

Yohane 18:36

Yesu buale kyɛ, “M’ahennie ne, offi wiase wa. Sɛ m’ahennie ne ofi wiase wa a, ahaa m’asomvoɛ mɔ bɛkɔho, bɔ ɔnate so bɛngɔfa me bengowura Yudafoɛ mɔ sa ɔ; nakoso m’ahennie ne offi wiase wa.”

Asomafoɛ 13:5

Mmerɛ bɔ bedwuli Salami nen, bɛhane Nyameɛ dwirɛ ne wɔ Yudafoɛ nyianu sua nemɔ nu. Né Yohane boka bɛ ɔyɔ somvoɛ adwuma.

2 Korintofoɛ 1:24

Nna kyɛ yɛhyɛ ɛmɔ so wɔ ɛmɔ gyidie nwo ɔ, na mmom kyɛbɔ ɛmɔ nye kɔha ti yeɛ yɛ ne ɛmɔ yɔ adwuma yɛbɔ nu ɔ, ofikyɛ ɛmɔ gyidie gyi berɛ pindinn.

2 Timoteo 1:18

Mesrɛ Awurade kyɛ ɔma Awurade nwu ye anwumvoin wɔ Kyẽa ne. Na wɔ bɔbɔ ɛse ɛsolɛ worawora bɔ ɔsole me wɔ Ɛfeso ɔ.

Filemɔn 1:13

Ahaa mekuro kyɛ memaa ɔtena me nwo wa, ná ogyina wɔ gya nu ɔso me, wɔ mmerɛ bɔ nzɛmba ne ati nna kukunu ye;

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.

1 Petro 5:3

bɔ ɔnzɛ kyɛ ɛmɔhyɛ bɛ bɔ bewura ɛmɔ sa ne aso, na mmom kyɛ ɛ́mɔyɛ nhwɛsoɛ bɛ́ma mmoaen kure ne ɔ.

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.