Mateo 20:22 - AHYERƐLƐ KRONGRON

²² Nakoso Yesu buale kyɛ, “Ɛmɔnze bɔ ɛmɔbisa ɔ. Kulie bɔ mebaano (ye noa) ne, aso ɛmɔkɔhora bɛkɔno anaa? [Yeɛ, asubɔlɛ bɔ bɛbaafa bɛbɔ me ne, ɛmɔkɔhora maa bɛkɔfa ebie bɛkɔbɔ ɛmɔ anaa?”] Na bebuale ye kyɛ, “Yɛkɔhora.”

Mateo 20:22 Iomraidhean Croise

Edwein 75:3

Sɛ aseɛ ɔne bɔ ɔwɔ so amukoraa bɛwoso a, me yeɛ mema ye bonima mɔ begyina pindinn ɔ. Sela

Anyandera 16:18

Anwomasoɛ ne ɛsɛkyelɛ yeɛ bɛnate ɔ, yeɛ ahandaen ne asetɔlɛ yeɛ bɛnate ɔ.

Yesaya 51:17

Kanyane wɔ nwo, kanyane wɔ nwo! O Yerusalem, dwɔso! Wɔ bɔ ano AWURADE sa nu ɛyaafɛlɛ kulie ne noa, kulie bɔ ɔmaa bɛbo tendaenn ne, wɔ bɔ ano nu atu ye bo ne.

Yesaya 51:22

wɔ Mene, AWURADE wɔ Nyameɛ bɔ odi ye maen dwirɛ ma ye ne, ɔnwa nyoo: “Tie, kulie bɔ ɔmaa bɛbo sesɛsesɛ ne, bɔ ɔte me yaafɛlɛ kulie ne, male mafi wɔ sa nu, ɛngɔno ye ko.

Yeremia 49:12

Na AWURADE nwa nyoo, “Tie, sɛ bɛ bɔ ahaa onni kyɛ bɛno sɔ kwangoa ne (anoa) po bano amba a, né aso wɔ de ɛkɔfa wɔ nwo koli anaa? Ɛngɔfa wɔ nwo ngoli, na mmom amba, ɛkɔno kwangoa ne (anoa).

Mateo 26:35

Na Petro buale ye kyɛ, “Sɛ ɔba kyɛ me ne wɔ yɛwu po a, mengɔhã kyɛ menze wɔ!” Na sɔ ala yeɛ asuafoɛ nemɔ amukoraa bɛhane ɔ.

Mateo 26:39

Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Mateo 26:42

Osa hɔle ye pɛen nyɔ so ɔɔbɔle mbaeɛ kyɛ, “Me Baba, sɛ sɔ kulie he ngɔhora ngofi me so ngɔhɔ, ná sana meno a, ye de, bɔ ekuro yeɛ ɔyɛ berɛ ɔ.”

Mateo 26:56

Na ɛhe amukoraa asi, amaa ɔnate so bɔ ngɔmhyɛlɛfoɛ nemɔ bahã ye wɔ Ahyerɛlɛ ne anu ne wawa nu.” Yeɛ asuafoɛ nemɔ amukoraati bɛyakyili ye berɛ bɛnwatili.

Marko 14:36

Na ɔhane kyɛ, “Baba, Baba, nikyee biala nzo wɔ yɔ. Ye sɔ kulie he fi me so! Nakoso nnɛyɔ bɔ mepena, na mmom bɔ ɛpena ɔ.”

Luka 12:50

Asubɔlɛ bie wɔ berɛ bɔ bɛbaafa bɛbɔ me ɔ, na sɛ bɛffa bɛbbɔle me beyyiele a, nnyane anwotɔ.

Luka 22:42

“Baba, sɛ ekuro a, ye sɔ kulie he fi me so; nakoso nna kyɛbɔ mekuro hɔ ɔ, na mmom bɔ ekuro ne yeɛ ɔyɛ berɛ ɔ.” [

Yohane 18:11

Na Yesu sele Petro kyɛ, “Fa wɔ ngrandɛ ne wura ye bɔha ne anu! Kulie bɔ me Baba afa ama me ne, aso onni kyɛ meno anaa?”

Romanfoɛ 8:26

Sɔ ala yeɛ Sunzum ne boka yɛ wɔ yɛ mmerɛyɛlɛ nu ɔ, ofikyɛ yɛnze kyɛbɔ ɔsɛ kyɛ yɛbɔ mbaeɛ ɔ. Nakoso Sunzum ne bɔbɔ ogyina yɛ gya nu, na ɔfa ɛpenenɛ bɔ bɛngora bɛmva edwudwolɛ bɛnga ɔ so ɔsrɛ ma yɛ.

Yakobo 4:3

Ɛmɔbisa, na ɛmɔ sa nga ye, ofikyɛ nna adwene paa yeɛ ɛmɔfa bebisa ɔ, kyɛbɔ ɔkɔmaa ɛmɔkɔfa bɛkɔyɔ bɔ ɛmɔ akɔnnɔ kuro ɔ.