Mateo 20:21 - AHYERƐLƐ KRONGRON

²¹ Na Yesu bisale ye kyɛ, “Nzikyɛ yeɛ ɛpena ɔ?” Obuale ye kyɛ, “Hyɛ me bɔ kyɛ me mma nyɔ hemɔ, ko kɔtena wɔ sa famaa so, ná ko wora watena wɔ sa bɛen so wɔ w’ahennie ne anu.”

Mateo 20:21 Iomraidhean Croise

1 Ahemvo 2:19

Yiti Bahyeba hɔle Nana Solomon berɛ kyɛ ɔkwaafa Adoniya dwirɛ ne to ye nyunu. Nana Solomon dwɔsole ooyiale Bahyeba, na ɔbɔle ye nu ase mane Bahyeba. Afei Solomon tenane ye ahennie bia so, na ɔmaa bɛfale ahennie bia bɛbrɛle ye maame maa ɔtenane ye sa famaa so.

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

Ɛseta 5:3

Yeɛ Nana Ahasuro bisale ye kyɛ, “Nana hemmaa Ɛseta, nzu ɔ? Nzikyɛ yeɛ ɛpena ɔ? Sɛ m’ahennie ye bue po a, ngɔfa ngɔma wɔ.”

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Edwein 45:9

Ahemvo mma mmrasua nemɔ, bɛboka wɔ ndaluwa titire nemɔ aso, na ahenyerɛ ne, ogyi wɔ sa famaa so bɔ wafa Ofire esikaa kɔkorɛ wasiesie ye nwo ɔ.

Yeremia 45:5

Na wɔ, aso nningyein mbiri mbiri yeɛ ɛpena mma wɔ nwo ɔ? Nnɛpena, ofikyɛ ngɔprapra musue ngogua anwoɔnaen amukoraa so, AWURADE noa dwirɛ ɛne. Nakoso wɔ de, ekonya wɔ ti kodidi nu kyɛ koɛ nu nzesadeɛ wɔ nekaa biala bɔ ɛkɔhɔ ɔ.”

Mateo 18:1

Sɔ mmerɛ ne ala nu yeɛ asuafoɛ nemɔ wale Yesu berɛ beebisale ye kyɛ, “Nwa yeɛ ɔte titire paa wɔ nyameɛso ahennie ne anu ɔ?”

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 20:22

Nakoso Yesu buale kyɛ, “Ɛmɔnze bɔ ɛmɔbisa ɔ. Kulie bɔ mebaano (ye noa) ne, aso ɛmɔkɔhora bɛkɔno anaa? [Yeɛ, asubɔlɛ bɔ bɛbaafa bɛbɔ me ne, ɛmɔkɔhora maa bɛkɔfa ebie bɛkɔbɔ ɛmɔ anaa?”] Na bebuale ye kyɛ, “Yɛkɔhora.”

Mateo 20:32

Yeɛ Yesu gyinane, na ɔfrɛle bɛ bisale bɛ kyɛ, “Nzu yeɛ ɛmɔpena kyɛ meyɔ mema ɛmɔ ɔ?”

Marko 10:51

Na Yesu bisale ye kyɛ, “Nzu yeɛ ɛpena kyɛ meyɔ mema wɔ ɔ?” Na anyesiniwaaniɛ ne buale ye kyɛ, “Kyerɛkyerɛniɛ, mepena kyɛ menwu nikye.”

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Marko 6:22

Na Herodiase awa brasua wale oogole abilie maa ɔyɛle Herode ne bɛ bɔ ɔne bɛ bayia berɛ ne nyemene. Yeɛ Herode sele abaayaa ne kyɛ, “Nikyee biala bɔ ekuro ne, bisa me, na ngɔfa ngɔma wɔ.”

Luka 18:41

“Nzikyɛ yeɛ ɛpena kyɛ meyɔ mema wɔ ɔ?” Na obuale kyɛ, “Awurade, mepena kyɛ menwu nikye.”

Luka 19:11

Na mmerɛ bɔ begu so betie sɔ dwirɛ nemɔ nen, ɔtoale so buli bɛ anyandera, ofikyɛ né wapingye Yerusalem, yeɛ afei ɛlɔen ne susuli kyɛ Nyameɛ ahennie ne ɔbaaye ye nwo ali berɛ ne ala.

Luka 22:24

Na edwudwolɛ bie wale b’afia kyɛ, bɛ nu nwa yeɛ odi kyɛ bebu ye kyɛ ɔte titire paa ɔ.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Asomafoɛ 1:6

Mmerɛ bɔ asomafoɛ nemɔ ne Yesu yiale ne, bebisale ye kyɛ, “Awurade, yiti mmerɛ he anu yeɛ ekosa kɔfa Ahennie ne kɔma Yisrael anaa?”

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

Romanfoɛ 8:34

Nwa yeɛ obua foɛ ɔ? Yesu Kristo bɔ owuli ná otingyele fili awufoɛ nu ne, bɔ ɔte Nyameɛ sa famaa so, bɔ ɔsrɛ ma yɛ ne.

Kolosefoɛ 3:1

Yiti sɛ ɛmɔ ne Kristo banya batingye de a, ɛ́mɔpena nningyein bɔ ɔwɔ anwuro ne si atee, nekaa bɔ Kristo te Nyameɛ sa famaa so ne.