Mateo 20:19 - AHYERƐLƐ KRONGRON

¹⁹ na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 20:19 Iomraidhean Croise

YOB NWOMAA NE 30:8

Bɛte mmenia mbaen bie bɔ bɛnze nworɛ ɔ, na batu bɛ bafi aseɛ ne aso.

Edwein 35:16

asanzafoɛ bɔ benzuro Nyameɛ ɔ bɛgorole me nwo yea yea paa, bɛnwosene bɛ gye behyirele me.

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Hosea 6:2

Elenyɔ asi, ɔkɔmaa yɛkosa yɛkonya ngoa, yoo, ye ɛlɛsa ne aso, ɔkɔpagya yɛ, na yɛkɔtena ngoa nu wɔ ye nyunu.

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Mateo 16:21

Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Mateo 17:23

na bekohu ye, na ye ɛlɛsa so okotingye.” Na ɔyɛle bɛ aworabɔ paa.

Mateo 27:26

Yeɛ ɔyakyili Baraba mane bɛ ɔ, na ofini Yesu mbire, na ɔyele ye mane bɛ kyɛ bɛɛbɔ ye mmeamudua nu.

Mateo 27:63

na bɛhane kyɛ, “Yɛ mene, yɛkaye kyɛ sɔ nnakannakaniɛ ne ɔte ase ne, ɔhane kyɛ, ‘Ɛlɛsa asi ne, ngotingye’

Marko 14:65

Na ebiemɔ hyɛle ye bo bɛfefele nwɔserɛ beguale ye nwo, bɛkatale ye nye, na bɛbobɔle ye, na besele ye kyɛ, “Hyɛ ngɔm!” Na asomvoɛ nemɔ bobɔle ye nye so.

Marko 15:1

Na aleɛ baahye ne, ndɛndɛ so, asɔfo mbanyi ne maen mbanyi ne ahyerɛlɛfoɛ ne badwafoɛ ne amukoraa bɛhɔle agyina, na bɛkyekyele Yesu bɛfale ye beewurale Pilato sa.

Marko 15:15

Né Pilato pena kyɛ ɔyɔ nikyee ma ɛlɔen ne bɛ nye sɔ, yiti ɔyakyili Baraba mane bɛ, nakoso Yesu de, ofini ye mbire, na ɔyele ye mane bɛ kyɛ bɛɛbɔ ye mmeamudua nu.

Luka 18:32

Ofikyɛ bɛkɔye ye bekowura Amaenmaensofoɛ sa, na bɛkɔgoro ye nwo, bɛkɔbɔ ye alapaa, ná bafefe nwɔserɛ bagua ye nwo.

Luka 23:11

Na Herode ne ye asraafoɛ bɛpepɛle ye nzoaa, bɛgorole ye nwo; na afei ɔfale ataadeɛ nyemenenyemene bie wurale ye, na ɔmaa besa bɛfale ye bɛɛmane Pilato.

Luka 24:46

Na osele bɛ kyɛ, “Bahyerɛ ye kyɛ, ‘Ɔsɛ kyɛ Kristo ne onwu amaneɛ, ná ye ɛlɛsa ne aso odwɔso fi awufoɛ nu,

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 21:11

Na ɔwale yɛ nwo berɛ ne, ɔfale Pɔɔlo abɔsoɛ ne kyekyele ye bɔbɔ ye gya ne ye sa, na ɔhane kyɛ, “Kyɛ Sunzum Krongron ne kã hɔ ɛhe: ‘Sona bɔ ye abɔsoɛ ɛhe ne, sɔ ala yeɛ Yudafoɛ kɔkyekye ye wɔ Yerusalem ná bafa ye bawura Amaenmaensofoɛ sa ɔ.’ ”

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.