Mateo 20:12 - AHYERƐLƐ KRONGRON

¹² kyɛ ‘Ɛhemɔ bɔ bɛwale nziɛ ye, bɛyɔle adwuma dɔnhwere komapɛ, nakoso yɛ bɔ yafite ngyerɛmɔ yayɔ adwuma maa eyia ayera yɛ ne, atua yɛ ne bɛ kerɛ pɛ.’

Mateo 20:12 Iomraidhean Croise

Yona 4:8

Na eyia pukyele ne, Nyameɛ somane eyia afiteleɛ mvrama hyerɛhyerɛ bie; eyia ne bɔle Yona ti afia maa ɔyɛle mmerɛ, bɔ ɔhale ye ngome a ahaa né wawu ɔ. Na ɔhane kyɛ, “Ɔte paa ma me kyɛ ngowu tra kyɛ ngɔtena ngoa nu ɔ.”

Malaki 1:13

Ɛmɔsa bɛkã kyɛ, Eh, nzikyɛ ɛfɛɛ ɛhe? Na ɛmɔsobi bɛ noa begua so, Asafo AWURADE noa dwirɛ ɛne. Kaka bɔ ɛmɔali aminɛ banya ye, anaa kaka bɔ wabubu, anaa bɔ ɔnde apɔ ɔ yeɛ ɛmɔfa bɛbabɔ afɔleɛ ɔ. Aso odi kyɛ mede ɛhe mefi ɛmɔ berɛ anaa? Asafo AWURADE noa dwirɛ ɛne.

Malaki 3:14

Ɛmɔahã kyɛ, ‘Ɔte mbaen kyɛ sona kɔso Nyameɛ ɔ. Mvasoɛ beni yeɛ ɔwɔ so kyɛ yɛkoli ye nhyehyɛleɛ so, ɔne kyɛ yɛkɔnate Asafo AWURADE nyunu wɔ nnuhoɛ nu ɔ?

Mateo 20:11

Na bɛ sa hane b’akatuaa nen, bɛyɛle eboo mene ne so nwuhunwuhu

Luka 12:55

Yeɛ sɛ ɛmɔnwu kyɛ mvrama ɔbɔ fi ngwaen dɔ a, ɛmɔnwa, ‘Ahuhuro baawa’; na ɔba koso amba.

Romanfoɛ 3:27

Afei nzikyɛ yeɛ yɛfa yɛhoahoa yɛ nwo ɔ? Yɛlle hwee! Kyɛ yɛdi mmeraa ne aso anaa? Anaakyɛ yɛ yɔleɛ paa ti ɔ? Daabi, na mmom ɔnate gyidie so.

Romanfoɛ 3:30

Ofikyɛ Nyameɛ te komapɛ twe, na okogyina bienzuapɛlɛfoɛ bɛ gyidie so kobua bɛ be; yeɛ okogyina bɛmbɛ-bɛ-bienzuafoɛ koso bɛ gyidie so kobua bɛ be.

1 Korintofoɛ 4:11

Ɛnɛ ne ɛnɛ ye, ɛhɔen ne nzuhɔen ku yɛ, yɛ nwo la so, bɛkã yɛ mbire, yeɛ yɛlle amandena,

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Yakobo 1:11

Ofikyɛ eyia pukye bɔ gyireingyirein, na ɔyera ndire ne; ye nyerɛen ne poro gua, na ye nyemene sɛkye. Na sɔ ala yeɛ sikaniɛ koso kɔpɛ nu kɔhɔ wɔ bɔ ɔyɔ nu ɔ.