Mateo 2:9 - AHYERƐLƐ KRONGRON

⁹ Betiele ɛhene ne dwirɛ ne beyiele, ná besili nu kyɛ bɛkɔ nen, yieee, nzramaa bɔ benwuni ye wɔ eyia afiteleɛ dɔ ne lili bɛ nyunu moa alaa oogyinane nekaa bɔ adɔma ne la ne ye anwuro.

Mateo 2:9 Iomraidhean Croise

Edwein 25:12

Nwa yeɛ ɔte sona bɔ osuro AWURADE ɔ? Ye yeɛ AWURADE kohyire ye atee bɔ odi kyɛ ɔfa so ɔ.

Anyandera 8:17

Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Mateo 2:10

Na benwuni nzramaa ne nen, ɔyɛle bɛ fɛ soma.

Mateo 2:2

na bebisale kyɛ, “Yudafoɛ hene bɔ bawo ye ne, nisua yeɛ ɔwɔ ɔ? Ofikyɛ yanwu ye nzramaa wɔ eyia afiteleɛ dɔ, na yawa kyɛ yɛbaasɔne ye.”

Mateo 2:8

Afei ɔsomane bɛ Betlehem, na osele kyɛ, “Ɛmɔhɔ, ná ɛ́mɔma ɛmɔ nye boro bɛpena akwadaa ne; na sɛ ɛmɔnwu ye a, ɛmɔɔbɔ me amaneɛ, ná me koso ngɔnzɔne ye bie.”

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.