Mateo 2:8 - AHYERƐLƐ KRONGRON

⁸ Afei ɔsomane bɛ Betlehem, na osele kyɛ, “Ɛmɔhɔ, ná ɛ́mɔma ɛmɔ nye boro bɛpena akwadaa ne; na sɛ ɛmɔnwu ye a, ɛmɔɔbɔ me amaneɛ, ná me koso ngɔnzɔne ye bie.”

Mateo 2:8 Iomraidhean Croise

2 Samuel 17:14

Yeɛ Absalom ne Yisraelfoɛ amukoraa besele kyɛ, “Akiniɛ Husae foɛ ne, ɔte paa tra Ahitofel deɛ ne.” Ofikyɛ né AWURADE ahyehyɛ kyɛ ɔkɔma Ahitofel foɛ bɔ ɔte paa ne kɔyɛ mbaen, amaa ɔnate so AWURADE aprapra amaneɛ wagua Absalom so.

1 Ahemvo 19:2

Yeɛ Yesebɛl tuli ɛbɔfoɛ maa oosele Elia kyɛ, “Kyɛ odwu ɛhema bekye sɔa, sɛ mangu wɔ kyɛ mmenia bɔ ahũhũ bɛ ne anu ko a, me koso mmosoen nemɔ behũ me bie.”

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Awuye 3:37

Nwa yeɛ ɔkã maa ɔba nu wɔ aberɛ bɔ nna AWURADE yeɛ wahyehyɛ ye sɔ ɔ?

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 2:7

Yeɛ Herode frɛle nworɛfoɛ nemɔ kudɛɛ, na obisale bɛ mmerɛ deinn bɔ nzramaa ne fitele ɔ.

Mateo 2:9

Betiele ɛhene ne dwirɛ ne beyiele, ná besili nu kyɛ bɛkɔ nen, yieee, nzramaa bɔ benwuni ye wɔ eyia afiteleɛ dɔ ne lili bɛ nyunu moa alaa oogyinane nekaa bɔ adɔma ne la ne ye anwuro.