Mateo 2:4 - AHYERƐLƐ KRONGRON

⁴ Yiti ɔfrɛfrɛle maen ne anu asɔfo mbanyi ne ahyerɛlɛfoɛ amukoraa maa beeyiale, na obisale bɛ penane neka horɛ bɔ bɛkɔwo Kristo ne ɔ.

Mateo 2:4 Iomraidhean Croise

2 Aberɛso Dwirɛ 34:13

bɛ yeɛ né bɛnea bɛ bɔ bɛsoasoa nningyein ɔne bɛ bɔ bɛyɛ adwuma ahoroɔ nemɔ aso ɔ. Né Lewifoɛ ne biemɔ te ahyerɛlɛfoɛ, mbanyi ne anoa awɛmvoɛ mɔ.

2 Aberɛso Dwirɛ 34:15

Yeɛ Hilkia sele ahyerɛlɛniɛ Safan kyɛ, “Manwu mmeraa nwomaa ne wɔ AWURADE awuro berɛ.” Na Hilkia fale nwomaa ne mane Safan.

2 Aberɛso Dwirɛ 36:14

Asɔfo mbanyi nemɔ amukoraa bɛ ne maen ne behwi bɛfale AWURADE dwirɛ so piri paa, na bɛyɔle amaenmaensofoɛ b’akyiwadeɛ ne amukoraa bie. AWURADE awuro bɔ wayɛ ye krongron wɔ Yerusalem ne, bɛfale efiɛ bɛhane ye.

Ɛsra 10:5

Yeɛ Ɛsra dwɔsole, na ɔmane asɔfo mbanyi ne Lewifoɛ ne Yisrael amukoraa bɛtale ndaen kyɛ bekoli sɔ dwirɛ ne aso. Na bɛtale ndaen ne.

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Nehemia 12:7

Salu, Amoko, Hilkia, yeɛ Yedaya. Sɔ mmenia nemɔ, né bɛlela asɔfo nemɔ ne bɛ mmango nemɔ noa wɔ Yesua aberɛ so.

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Yeremia 8:8

Nzu ati yeɛ ɛmɔkã kyɛ, ‘Yɛse nworɛ, na AWURADE mmeraa ne, yɛ berɛ yeɛ ɔwɔ ɔ’? Nakoso tie, nahorɛ nu, ngondombo bɔ ahyerɛlɛfoɛ nemɔ bahyerɛ ne, wakakyi edwirɛ ne maa wayɛ anoanu.

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

Mateo 2:3

Na ɛhene Herode tele edwirɛ he nen, ɔhale ye, Yerusalemfoɛ amukoraa koso sɔ ala.

Mateo 2:5

Na bebuale ye kyɛ, “Betlehem bɔ ɔwɔ Yudea; na sɔ yeɛ ngɔmhyɛlɛniɛ ne wahyerɛ ɔ, kyɛ,

Mateo 21:15

Nakoso asɔfo mbanyi ne ahyerɛlɛfoɛ nemɔ nwuni anwanwadeɛ mɔ bɔ ɔyɔle ne, ɔne ngwadaa bɔ bɛteatea nu wɔ asɔneyɛɛ sua nu berɛ kyɛ, “Hosana hã Dawide Awa ne” nen, wanyɛ bɛ fɛ koraa.

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Mateo 26:3

Yeɛ asɔfo mbanyi ne maen mbanyi beeyiale ɔsɔfo panyi paa bɔ bɛfrɛ ye Kaifa n’ahemvie,

Mateo 26:47

Na Yesu gu so bɔ odwudwo nen, Yudase bɔ ɔte asuafoɛ buru ne nyɔ nemɔ anu ko ne, ɔwale. Na né ɛlɔen bɔ betiratira ngrandɛ ne mmopura, bɔ befi asɔfo mbanyi ne maen mbanyi mɔ berɛ ɔ bɛboka ye so.

Mateo 27:1

Na aleɛ hyene ne, asɔfo mbanyi ne maen mbanyi amukoraa bɛhɔle Yesu nwo agyina bɛbɔle porɛ kyɛ bekohu ye.

Mateo 7:29

ofikyɛ ohyirehyirele bɛ kyɛ ebie bɔ ole tumi ɔ, na mmom nna kyɛ b’ahyerɛlɛfoɛ nemɔ.

Marko 8:31

Na ɔhyɛle ye bo hyirehyirele bɛ kyɛ, odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa so otingye.

Luka 20:19

Na ahyerɛlɛfoɛ ne asɔfo mbanyi nemɔ benwuni kyɛ anyandera he bɔ Yesu buli ne, ɔne bɛ, yiti ahaa bɛpena kyɛ bɛkye ye berɛ ne ala, nakoso né besuro ɛlɔen ne.

Luka 23:10

Né asɔfo mbanyi ne ahyerɛlɛfoɛ nemɔ begyigyi berɛ bɔ bɛbɔ ye kwaadu yeayea paa.

Yohane 18:3

Yiti Yudase fale asraafoɛ kure ne awɛmvoɛ bɔ befi asɔfo mbanyi ne Farasiifoɛ nemɔ berɛ ɔ wale berɛ; ná ne betiratira ɛtɛen, nganea ne akodeɛ.

Yohane 3:10

Yesu buale ye kyɛ, “Ɛte kyerɛkyerɛniɛ wɔ Yisrael, yeɛ koso ɛnde ɛhemɔ bo ɔ?

Yohane 7:32

Farasiifoɛ mɔ bɛtele kyɛ ɛlɔen ne bɛ́yɛ nwuhunwuhu bɛkekã sɔ dwirɛ ne bɛfa ye nwo. Yiti Farasiifoɛ ne asɔfo mbanyi mɔ betuli asomvoɛ mɔ kyɛ bɛhɔ bɛɛhye ye.

Yohane 8:3

Yeɛ ahyerɛlɛfoɛ ne Farasiifoɛ bɛfale braa bie bɔ baafite ye so wɔ adwamanbɔlɛ nu ɔ bɛwale, na bɛfale ye beegyinane b’afia berɛ.

Asomafoɛ 23:9

Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”

Asomafoɛ 4:5

Aleɛ hyene ne, Yuda atitirefoɛ ne maen mbanyi ne ahyerɛlɛfoɛ bɛwale beeyiale wɔ Yerusalem.

Asomafoɛ 6:12

Na besili maen ne ne maen mbanyi ne ahyerɛlɛfoɛ nemɔ adua, na bɛwale ye so bɛɛhyele ye, na bɛfale ye bɛhɔle badwa ne anyunu.