Mateo 2:23 - AHYERƐLƐ KRONGRON

²³ Na ɔhɔle kuro bie bɔ bɛfrɛ ye Nasarɛte so ɔɔtenane berɛ. Na ɛhe mane bɔ ngɔmhyɛlɛfoɛ nemɔ hane ne wale nu kyɛ, “Bɛkɔfrɛ ye Nasarɛteniɛ.”

Mateo 2:23 Iomraidhean Croise

Numeri 6:13

Sɛ mmerɛ bɔ nasiriteniɛ ne wafa watu ye nwo wasie berɛ wama AWURADE ne ɔba ayieleɛ a, ye nwo mmeraa ɛhe: odi kyɛ bɛfa ye bɛbagyina ɛtena sua atenaleɛ anoa nu berɛ.

Mateo 1:22

Na ɛhe amukoraa sili maa bɔ Awurade nate ngɔmhyɛlɛniɛ ne aso hane ne wale nu. Ɔhane kyɛ,

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Mateo 26:71

Na ofili berɛ hɔle ngurolo ne anu dɔ ne, afaneɛ foforɛ nwuni ye, na osele bɛ bɔ bɛwɔ berɛ ne kyɛ, “Akoaa he, né ye koso ɔne Yesu Nasarɛteniɛ ne yeɛ bɛnate ɔ.”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 1:9

Na sɔ mmerɛ ne anu, Yesu fili Nasarɛte bɔ ɔwɔ Galilea wale, na Yohane bɔle ye asu wɔ asue Yɔɔdan nu.

Luka 1:26

Na nwonzɛen ne lili bosome nzia ne, Nyameɛ somane abɔfo Gabriel maa ɔhɔle Galilea kuro bie bɔ bɛfrɛ ye Nasarɛte so,

Luka 18:37

Na bebuale ye kyɛ, “Yesu bɔ ofi Nasarɛte ne yeɛ ɔpɛ nu kɔ ɔ.”

Luka 2:39

Na beyiele nikyee biala kyɛbɔ Awurade mmeraa ne ɔte ne, besa bɛhɔle bɛ kuro Nasarɛte bɔ ɔwɔ Galilea.

Yohane 18:5

Na bebuale ye kyɛ, “Yesu, Nasarɛteniɛ ne.” Yeɛ Yesu sele bɛ kyɛ, “Me ɛhe.” Na Yudase bɔ ɔyele ye mane ne, né ɔne bɛ yeɛ begyigyi berɛ ɔ.

Yohane 18:7

Yeɛ obisale bɛ bieku kyɛ, “Ɛmɔpena nwa?” Na bebuale kyɛ, “Yesu, Nasarɛteniɛ ne.”

Yohane 19:19

Na Pilato hyerɛle edwirɛ bie bɔle mmeamudua n’anwuro kyɛ, “Yesu, Nasarɛteniɛ, Yudafoɛ Hene Ne.”

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 24:5

Yanwu kyɛ sɔ akoaa he te busueniɛ bɔ ɔbɔ maen ɔ. Ɔfa manzoen toto Yudafoɛ amukoraa bɔ bɛwɔ ewiase amukoraa b’afia, na ye yeɛ ɔte Nasarɛtefoɛ fekue ne aso panyi ɔ.

Maenbulɛfoɛ 13:5

ofikyɛ ɛkɔnwonzɛ kɔwo baa bienzua. Onni kyɛ bɛtete akwadaa ne ti, ofikyɛ ɔkɔyɛ nasiriteniɛ kɔma Nyameɛ fi ye aworɛ nu. Ye yeɛ ɔkɔhyɛ ye bo kɔpepɛ kole Yisrael kofi Filistifoɛ sa nu ɔ.”

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”