Mateo 2:22 - AHYERƐLƐ KRONGRON

²² Nakoso Yosef tele kyɛ Arkelao yeɛ wali ɔse Herode bia wayɛ Yudea hene nen, osurole kyɛ ɔkɔhɔ berɛ ɔ. Nyameɛ ye hyirele ye wɔ laleɛ nu, yiti ɔhɔle Galilea manzini nu.

Mateo 2:22 Iomraidhean Croise

Edwein 121:8

AWURADE kɔbɔ wɔ hɔlɛ ne wɔ walɛ nwo waen ofi ɛnɛ bɔ ɔkwaadwu afebɔɔ ɔ.

Edwein 48:14

kyɛ Nyameɛ he, ɔte yɛ Nyameɛ afebɔɔ. Ye yeɛ okohyire yɛ atee kɔpem kyɛ ewue kɔfa yɛ ɔ.

Edwein 73:24

Ɛfa wɔ foɛtulɛ ekyire me atee, na ye si ye, ekole me kɔhɔ animnyam nu.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 2:19

Herode wue asi ne, yieee, Awurade abɔfo yele ye nwo ali wɔ laleɛ nu hyirele Yosef wɔ Misraim

Mateo 2:21

Yiti Yosef dwɔsole fale akwadaa ne ne oni bokale ye nwo so, na osa wale Yisrael aseɛ so.

Mateo 3:13

Yeɛ Yesu fili Galilea wale Yohane berɛ wɔ Yɔɔdan noa kyɛ ɔbɔ ye asu.

Luka 2:39

Na beyiele nikyee biala kyɛbɔ Awurade mmeraa ne ɔte ne, besa bɛhɔle bɛ kuro Nasarɛte bɔ ɔwɔ Galilea.

Yohane 7:52

Na bebuale ye kyɛ, “Gyamea wɔ koso efi Galilea hɔ ɔ? Neanea Ahyerɛlɛ ne anu, na ekonwu ye kyɛ ngɔmhyɛlɛniɛ biala ngodwɔso ngofi Galilea le.” [

1 Samuel 16:2

Na Samuel bisale kyɛ, “Ɔkɔyɛ sɛɛ né mahora mahɔ? Sɛ Sɔɔlo te sɔ dwirɛ ne a, okohu me.” Na AWURADE buale kyɛ, “Ɛkɔ a, fa nandwie beleɛ akrɔngrɔma ko kɔ, ná kɔha kyɛ, ‘Mawa kyɛ mebaabɔ afɔleɛ mema AWURADE.’