Mateo 2:2 - AHYERƐLƐ KRONGRON

² na bebisale kyɛ, “Yudafoɛ hene bɔ bawo ye ne, nisua yeɛ ɔwɔ ɔ? Ofikyɛ yanwu ye nzramaa wɔ eyia afiteleɛ dɔ, na yawa kyɛ yɛbaasɔne ye.”

Mateo 2:2 Iomraidhean Croise

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 45:11

na ɛhene ne, ye nye kɔgye w’anwonyemene nwo. Ɔnate kyɛ ɔte wɔ mene ne ati, bɔ wɔ nu ase ma ye.

Yesaya 60:3

Maen maen mɔ bɛkɔwa wɔ kanea ne anu, yeɛ ahemvo mɔ koso bɛkɔwa kanea hyireinn bɔ wapukye wɔ so ne anu.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Yeremia 30:9

Na mmom bɛkɔso AWURADE bɛ Nyameɛ ne bɛ hene Dawide bɔ ngosiesie ye ngɔma bɛ ne.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Numeri 24:17

Bɔ menwu ye mefa ye nwo ne, nna kekesaala ye yeɛ ɔkɔwa nu ɔ; bɔ me nye tua fa ye nwo ne, ongosi kekesaala ye. Nzramaa bie kofi Yakob nu kofite, na ɛhɔtɔ bie kofi Yisrael nu kodwɔso. Okoli Moabo mbanyi so ngonim, ná wabrɛ Sɛti boso ama amukoraa ase.

Mateo 2:3

Na ɛhene Herode tele edwirɛ he nen, ɔhale ye, Yerusalemfoɛ amukoraa koso sɔ ala.

Mateo 21:5

“Ɛmɔhã behyire Sion awa brasua ne kyɛ: Nea, wɔ hene ɔ́ba wɔ berɛ, odwo, na ɔte afunum so, ɔne afunum akrɔngrɔma so, bɔ ɔte afunum beleɛ ɔ.”

Mateo 27:11

Né Yesu gyi amrado ne nyunu berɛ; na amrado ne bisale ye kyɛ, “Wɔ ole Yudafoɛ Hene ne anaa?” Yeɛ Yesu buale ye kyɛ, “Ye ala yeɛ ahã ne.”

Luka 19:38

kyɛ, “Saleɛ ole Ɛhene bɔ ɔnate Awurade dumaa nu ɔba ye! Asomdwee wɔ nyameɛso, na animnyam wɔ anwuro anwuro!”

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 23:3

Yeɛ Pilato bisale ye kyɛ, “Wɔ ole Yudafoɛ Hene ne anaa?” Na obuale ye kyɛ, “Ye ala yeɛ ahã ne.”

Luka 23:38

Na bɛhyerɛle edwirɛ bie bɛbɔle ye ti so anwuro kyɛ: Yudafoɛ Hene ne ɛhe.

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 12:13

Yiti bɛfale ɛberɛ, na bɛhɔle kyɛ bɛkwaayia ye, na bɛbɔle ese kyɛ, “Hosana! Saleɛ ole bɔ ɔnate Awurade dumaa nu ɔ́ba ye, Yisrael Hene ne!”

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 19:19

Na Pilato hyerɛle edwirɛ bie bɔle mmeamudua n’anwuro kyɛ, “Yesu, Nasarɛteniɛ, Yudafoɛ Hene Ne.”

Yohane 20:28

Na Tɔmase buale ye kyɛ, “M’Awurade ne me Nyameɛ!”

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Yohane 9:38

Na ɔhane kyɛ, “Awurade, mede medi!” Na ɔkotole sɔnene ye.

Hebrifoɛ 1:6

Nakoso mmerɛ bɔ Nyameɛ baasoma ye bamuɛbaa ne maa ɔba wiase ne de, ɔhane kyɛ, “Ɔsɛ kyɛ Nyameɛ abɔfo mukoraa bɛsɔne ye.”

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”