Mateo 2:18 - AHYERƐLƐ KRONGRON

¹⁸ “Bɛtele komviɛ bie wɔ Rama, awuye ne esuɛ hahii, Rahɛl sũ ye mma; Bɛkyekye ye wora a ondie, ofikyɛ bɛnne berɛ ko.”

Mateo 2:18 Iomraidhean Croise

Gyenesise 37:30

osa wale oliɛma nemɔ berɛ, na oosele kyɛ, “Abɛɛmaa ne nne berɛ, na nyɔ me nwo sɛ?”

Gyenesise 42:36

Na bɛ baba Yakob sele bɛ kyɛ, “Ɛmɔamaa me mma mɔ afi me sa: Yosef afi me sa, Simeon afi me sa, yeɛ ɛmɔbaafa Benyamin koso bɛkɔ. Me yeɛ ménwu sɔ amaneɛ ye amukoraa.”

YOB NWOMAA NE 14:10

Nakoso dasaniɛ de, owu a, ɔda berɛ bɔ ɔngekã ye nwo ɔ, sɛ sona ka nu a, né ɔwɔ nisua?

Yeremia 31:15

AWURADE nwa nyoo: “Bɛtele komviɛ bie wɔ Rama, awuye ne esuɛ hahii. Rahɛl sũ ye mma, ye mma nemɔ ati, bɛkyekye ye wora a, ondie, ofikyɛ bɛnne berɛ ko.”

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Hesekiel 2:10

Ɔtrɛle nu wɔ me nyunu berɛ. Né bahyerɛ ye nyunu ne ye si, na né nu ahyerɛlɛ ne ɔte awuyebɔlɛ, esuɛ ne yealɛlilɛ.

Mateo 2:17

Na ɛhe mane ngɔmhyɛlɛniɛ Yeremia dwirɛ bɔ ɔhane ne wale nu kyɛ,

Luka 8:52

Né mmenia ne amukoraa bɛbɔ awuye besu ye. Nakoso Yesu hane kyɛ, “Nnɛma ɛmɔsu, ofikyɛ owwuli, na mmom walafe!”

Nyekyire 8:13

Na nneane, na ndele kyɛ kɔleɛ bie otu faa wɔ nyameɛso afia dɔ, ná ɔtea nu kã kyɛ, “Totorobɛndo ngaa bɔ abɔfo nza nemɔ bɛbaahu ne, bɛ komvi ne ati, bɛ bɔ bɛte aseɛ so ɔ, bɛ yaakɔ oo, bɛ yaakɔ oo, bɔ yaakɔ oo!”