Mateo 2:13 - AHYERƐLƐ KRONGRON

¹³ Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Mateo 2:13 Iomraidhean Croise

1 Ahemvo 11:17

Nakoso Hadade, bɔ sɔ mmerɛ ne né ɔte abɛɛmaa, ɔne Edomfoɛ biemɔ bɔ bɛte ye baba somvoɛ ne de, bɛnwatili bɛɛbɔle bɛ nwo adwaa wɔ Misraim.

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

YOB NWOMAA NE 33:15

Laleɛ nu, kɔngɔen nyekyire nu, mmerɛ bɔ nnafelɛ hatee watɔ adasa so ɔ, mmerɛ bɔ bɛ nye ahɔ bɛ saa wɔ bɛ mba so ɔ,

YOB NWOMAA NE 33:17

amaa ɔnate so wahwe mmenia wafi bɛ yɔleɛ nwo, ná waye bɛ wafi anwomasoɛ nu.

Ɛksadɔso 1:22

Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 10:23

Na sɛ bɛtane ɛmɔ nye wɔ kuro ko aso a, ɛ́mɔnwati bɛhɔ foforɛ so. Nahorɛ nu, mekã mekyire ɛmɔ kyɛ, ɛmɔngoyie Yisrael nguro amukoraa so kyini koraka né Sona Awa ne awa.

Mateo 2:12

Né babɔ bɛ kɔkɔ wɔ laleɛ nu kyɛ nnɛmaa besa bɛkɔ Herode dɔ ko, yiti bɛfale atee foforɛ so besa bɛhɔle bɛ maen nu.

Mateo 2:14

Na odwɔsole nen, ɔfale akwadaa ne ne oni bokale ye nwo so, na ofili berɛ hɔle Misraim.

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.

Mateo 2:22

Nakoso Yosef tele kyɛ Arkelao yeɛ wali ɔse Herode bia wayɛ Yudea hene nen, osurole kyɛ ɔkɔhɔ berɛ ɔ. Nyameɛ ye hyirele ye wɔ laleɛ nu, yiti ɔhɔle Galilea manzini nu.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 10:7

Na abɔfo ne dwudwo hyirele Kɔneleo yiele, ná ɔhɔle nen, Kɔneleo frɛle ye somvoɛ nemɔ anu nyɔ ne asraaniɛ nyamesuroniɛ ko bɔ ɔboka Kɔneleo somvoɛ nemɔ aso ɔ.

Asomafoɛ 12:11

Na Petro nye wale ye nwo so ne, ɔhane kyɛ, “Afei de, manwu kyɛ ɔte nahorɛ kyɛ Awurade asoma ye abɔfo maa waaye me wafi Herode sa nu, ɔne nikyee biala bɔ Yudafoɛ nye la so kyɛ bɛkɔfa bɛkɔyɛ me ɔ nu.”

Asomafoɛ 12:7

Aworafire nu, Awurade abɔfo wale kuku nu berɛ, na sua ne anu tale hyireinn. Abɔfo ne pusupusuli Petro maa otingyele, na osele ye kyɛ, “Dwɔso ndɛ!” Na berɛ ne ala ngɔnzɔngɔnzɔ ne fili ye sa puro guale.

Asomafoɛ 16:36

Yiti biaa ne sele Pɔɔlo kyɛ, “Ndɛenbualɛfoɛ nemɔ asoma maa baase me kyɛ nyakyi ɛmɔ ma ɛmɔhɔ. Yiti ɛmɔfite bɛhɔ asomdwee nu.”

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Asomafoɛ 7:19

Ye yeɛ ɔfale nnakannaka atee so hyɛle yɛ mmenia nemɔ so ɔ; na ɔhyɛle yɛ nana mɔ ma bɛtotole bɛ mma nnɔma mɔ beguale, kyɛbɔ ɔkɔyɛ bɔ bekowuwu ɔ.

Yosua 3:13

Asɔfo mɔ bɔ bɛsõ AWURADE bɔ ɔte aseɛ mukoraa Mene ye alaka nen, sɛ bɛ gya tia Yɔɔdan nzue ne anu pɛ a, Yɔɔdan nu nzue bɔ ɔtengyɛ fi ye sorɔ dɔ ne kɔpɛ, na ye noa kɔboa wɔ neka horɛ.”

Yosua 3:17

Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Yosua 4:10

Asɔfo mɔ bɔ né bɛsõ alaka nen, begyinane Yɔɔdan afia toonn, kɔpem kyɛ edwirɛ bɔ AWURADE hyɛle Yosua kyɛ ɔha hyire mmenia nen, mmenia ne yɔle ye mukoraati yiele ɔ, kyɛbɔ Mose hyɛle kyɛ Yosua ɔyɔ ne amukoraa. Na mmenia ne hane bɛ nwo bɛpɛle asue ne.

Yosua 4:18

Asɔfo mɔ bɔ bɛsõ AWURADE apam alaka nen, befili asue Yɔɔdan afia befite bɛwale, na mmerɛ bɔ bɛ gya tiale etii so pɛ, yeɛ Yɔɔdan nu nzue hyɛle ye bo kyɛ ɔse ɔ, na oyili bu fale so kyɛ ye daa ne ala.

Nyekyire 12:14

Nakoso bɛmane braa ne kɔleɛ pirikua bie ndaa nyɔ, kyɛ ɔfa tu fi ewoo ne nyunu hɔ ɛserɛ so, wɔ ye atenaleɛ, nekaa bɔ bɛkɔnea ye mmerɛ ne mmerɛ ne mmerɛ bue ne.

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 12:6

Na braa ne nwati hɔle ɛserɛ so, nekaa bɔ Nyameɛ asiesie ama ye kyɛ bɛnea ye so ngyẽa apee ko ɛyaa nyɔ ne aburasia ne.