Mateo 2:12 - AHYERƐLƐ KRONGRON

¹² Né babɔ bɛ kɔkɔ wɔ laleɛ nu kyɛ nnɛmaa besa bɛkɔ Herode dɔ ko, yiti bɛfale atee foforɛ so besa bɛhɔle bɛ maen nu.

Mateo 2:12 Iomraidhean Croise

Gyenesise 31:24

Nakoso Nyameɛ yele ye nwo ali hyirele Aramniɛ Laban kɔngɔen ne wɔ laleɛ nu, na ɔkanzole ye kyɛ, “Nea yé né anga edwirɛ biala, paa anaakyɛ tɛɛ angyire Yakob.”

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Daniel 2:19

Yeɛ Nyameɛ lale mvealeɛ nu dwirɛ ne ali hyirele Daniel wɔ kɔngɔen nyekyire nu. Na Daniel hyɛle nyameɛso Nyameɛ ne animnyam.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Mateo 2:19

Herode wue asi ne, yieee, Awurade abɔfo yele ye nwo ali wɔ laleɛ nu hyirele Yosef wɔ Misraim

Mateo 2:22

Nakoso Yosef tele kyɛ Arkelao yeɛ wali ɔse Herode bia wayɛ Yudea hene nen, osurole kyɛ ɔkɔhɔ berɛ ɔ. Nyameɛ ye hyirele ye wɔ laleɛ nu, yiti ɔhɔle Galilea manzini nu.

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Luka 2:26

Né Sunzum Krongron aye ahyire ye kyɛ, ongonwu ewue, sana wafa ye nye wanwu Kristo bɔ ɔte Awurade deɛ ne koraka.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Hebrifoɛ 8:5

Na bɛ dwumadie ne, ɔte nyameɛso deɛ ne nwo nhwɛsoɛ, ɔne wawoɛ; ofikyɛ anzana Nyameɛ baama Mose si ɛtena sua nen, osele ye kyɛ, “Nea kyɛ ɛkɔyɔ nikyee biala maa ye sɛso kɔyɛ kyɛ bɔ mva ngyirele wɔ wɔ bokaa ne aso nen pɛpɛɛpɛ.”