Mateo 2:11 - AHYERƐLƐ KRONGRON

¹¹ Na bɛworole awuro ne anu nen, benwuni adɔma ne ne oni Maria, na bɛkotole bɛsɔnene ye. Afei bɛsangyele bɛ nningyein nu, na bɛhyɛle ye esikaa kɔkorɛ, ayirefona ne korobo.

Mateo 2:11 Iomraidhean Croise

Gyenesise 43:11

Na bɛ baba Yisrael sele bɛ kyɛ, “Sɛ sɔ ala yeɛ odi kyɛ yɛyɔ de a, nzaade ɛ́mɔfa yɛ wa mmakaammaa paa ne bie begua ɛmɔ bɔtɔ nu, na ɛ́mɔfa sakyeɛ kãa, woɛ kãa, pɔweɛ, asãa, ngateɛ ɔne atonwaa bɛɛhyɛ biaa ne.

1 Ahemvo 10:10

Yeɛ Hyeba hemmaa mane Nana Solomon esikaa kɔkorɛ kilo apee nna, ayirefona ahoroɔ pee ɔne nyɔboɛ bɔ ye nyɔboɛ yɛ se ɔ pee. Ayirefona ahoroɔ bɔ Hyeba hemmaa fa mane Solomon ne, ebiala amva bɔ ye somaa te sɔ ɔ wammrɛ Nana Solomon ko le.

1 Ahemvo 10:2

Ɔne ye sasofoɛ pee paa yeɛ bɛhɔle Yerusalem ɔ, na bɛfale sɔ nningyein hemɔ bɛtale afupɔngɔ mɔ si yeɛ bɛhɔle ɔ: ayirefona, esikaa kɔkorɛ pee ne nyɔboɛ bɔ ye nyɔboɛ yɛ se ɔ. Na oodwuli Solomon berɛ ne, ye dwirɛ amukoraa bɔ ɔkye ye adwene ne, obisale Solomon.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 45:8

Korobo, pɛprɛ ne kandanguru ma wɔ tena nu bo fona. Ahemvie bɔ bafa ɛsoen gye baboro ye nwo ne, nu yeɛ bɛbɔ dwein bɛgyegye wɔ nye ɔ.

Edwein 72:10

Tasise ahemvo ne dedeede aseɛ ahemvo nemɔ, maa betua ndɔ bɛma ye; ma Hyeba ne Seba ahemvo mɔ bɛfa akyɛdeɛ bɛbrɛ ye.

Edwein 72:15

Maa onyi ɔhyɛ! Maa bɛfa Hyeba esikaa kɔkorɛ bɛma ye. Maa bɛbɔ mbaeɛ bɛma ye daa, ná bɛsrɛ saleɛ bɛma ye daa biala.

Edwein 95:6

Ao, ɛmɔbra maa yɛbɔ yɛ nu ase yɛsɔne ye, ɛ́mɔma yɛ́bu ndwerɛ wɔ AWURADE bɔ ɔbɔle yɛ ne, ye nyunu!

Ɛksadɔso 30:23

“Fa ayirefona paa: korobo nzue bɔ nu nonɛ te kilo nzia, ayirefona kilo nza, ɔne ɛmanyire kilo nza,

Ɛksadɔso 30:34

Na AWURADE sele Mose kyɛ, “Fa ayirefona hemɔ: hwendea, korobo, prɛkɛsɛɛ ne ɛyɛɛ fonafona. Susu ye mukoraati pɛpɛɛpɛ;

Edwein Nu Dwein 3:6

Nwa yeɛ ofi ɛserɛ so dɔ ɔba ye, bɔ ɔba kyɛ nwosina ningɔnn ye, bɔ korobo ne ɛyɛɛ ayɛ ye nwo fonafona ye, bɔ watutu dwadifoɛ sakyeɛfona amukoraa wagua ye nwo ye?

Yesaya 60:6

Wɔ maen ne anu afupɔngɔ kɔyɛ pee, bɛte afupɔngɔ akrɔngrɔma bɔ befi Midian ne Efa; bɛ bɔ befi Hyeba ne amukoraa, bɛ́ba. Bɛsoso sikaa kɔkorɛ ne ɛyɛɛ bɛ́ba, bɔ bɛ́bɔ AWURADE ayɛyelɛ nwo dawure ɔ.

Lewitikɔso 6:15

Aburoo afɔleɛ esam paa ɔne ngoo ne, ɔne ɛyɛɛ amukoraa bɔ ogua aburoo afɔleɛ ne aso ne, odi kyɛ ɔsɔfo ne sa ye sa bum ko, ná ɔyera ye wɔ afɔleɛ bokyea ne aso maa ɔyɛ ngayeɛ nikye bɔ ɔbo AWURADE fona ɔ.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Numeri 7:14

ayaa ko bɔ bafa esikaa kɔkorɛ bayɔ ɔ, bɔ nu nonɛ te kilo ko nu ngyɛmuɛ buru, bɔ ɛyɛɛ ayi ye tɛkyɛ ɔ;

Numeri 7:86

Ayaa buru ne nyɔ bɔ bafa esikaa kɔkorɛ bayɔ, bɔ ɛyɛɛ ayi bɛ tɛkyɛɛ ne, bɛ nu biala nu nonɛ, ɛkyɛ kilo ko nu ɛyaa a, ɔte nu ngyɛmuɛ nza, kyɛbɔ nekaa krongron berɛ kilo nonɛ te ɔ. Na sikaa kɔkorɛ amukoraa bɔ bɛfa bɛyɔle ayaa nemɔ ne, nu nonɛ te kilo ko ne bue.

Mateo 1:18

Kyɛbɔ besi bɛwole Yesu Kristo nwo dwirɛ ɛhe: Bɛfale oni Maria bɛbɔle Yosef asiwa. Wangɔ agyaa bo, na benwuni kyɛ ɔnate Sunzum Krongron so ɔnwonzɛ.

Mateo 12:46

Yesu gu so bɔ odwudwo kyire ɛlɔen ne nen, yieee, ye maame ne oliɛma mɔ beegyinane bondua, na né bɛpena kyɛ bɛ ne ye dwudwo. [

Mateo 14:33

Na bɛ bɔ bɛwɔ ɛlɛen ne anu ne, bɛɛsɔnene ye, na bɛhane kyɛ, “Amba, wɔ ole Nyameɛ Awa ne.”

Mateo 2:10

Na benwuni nzramaa ne nen, ɔyɛle bɛ fɛ soma.

Mateo 2:2

na bebisale kyɛ, “Yudafoɛ hene bɔ bawo ye ne, nisua yeɛ ɔwɔ ɔ? Ofikyɛ yanwu ye nzramaa wɔ eyia afiteleɛ dɔ, na yawa kyɛ yɛbaasɔne ye.”

Luka 2:16

Yiti bɛhane bɛ nwo bɛhɔle, na beenwuni Maria ne Yosef, ɔne adɔma ne kyɛ ɔla alaka bɔ nyɛmmoa didi nu ɔ nu.

Luka 2:38

Na sɔ mmerɛ ne anu ala, ye koso oogyinane berɛ bie yele Nyameɛ ayɛ sɔ ala, na ɔhane akwadaa ne nwo dwirɛ hyirele bɛ bɔ né bɛ́nwondɛ elelɛ bɔ bɛkɔɔpɔ Yerusalem bekole ye ne.

Yohane 19:39

Na Nikodemo bɔ mmerɛ bie ɔwale Yesu berɛ kɔngɔen ne, ɔwale, na ɔfale krobo ne ayirefona mvrafra kɔyɛ kilo aburasa wale.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.

1 Samuel 10:27

Nakoso hohwifoɛ biemɔ sele kyɛ, “Ɔkɔyɛ sɛɛ né akoaa he ahora ale yɛ?” Yiti bebuli ye animtia, na bamva akyɛdeɛ biala bammrɛ ye. Nakoso Sɔɔlo andɛ bɛ so.