Mateo 2:1 - AHYERƐLƐ KRONGRON

¹ Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 2:1 Iomraidhean Croise

Gyenesise 10:30

Aseɛ bɔ né bɛte so ne trɛle fili Mesa hɔle Sefa maa oodwuli eyia afiteleɛ mmokaa aseɛ ne aso dɔ.

Gyenesise 25:6

Nakoso Abraham sómaa nemɔ bɛ mma de, ɔhyɛle bɛ nningyein, na mmerɛ bɔ né ɔte ase ne, ɔmaa bɛhwene bɛ nwo befili ɔwa Yisake nwo bɛhɔle eyia afiteleɛ aseɛ ne aso dɔ.

Gyenesise 41:8

Yiti aleɛ hyene ngyerɛmɔ ne, Faro yɛle basaa. Na ɔsomane maa bɛɛfrɛle Misraim ngonyaayelɛfoɛ amukoraa ne mmenia bɔ bɛse ase amukoraa bɛmane ye. Ɔhane ye laleɛ ne anu dwirɛ hyirele bɛ, nakoso bɛ nu biala angora ye bo kyire.

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

1 Ahemvo 4:30

maa ye sɔ ti né Solomon se nworɛ tra eyia afiteleɛfoɛ amukoraa, ɔne Misraim nworɛfoɛ amukoraa.

1 Aberɛso Dwirɛ 2:51

Salma bɔ osuli Betlehemfoɛ ne, yeɛ Harefe bɔ ɔkyekyele Bete Gadere ne.

YOB NWOMAA NE 1:3

Né ole mmoaen apee nzoo, afupɔngɔ apee nza, nandwie nyɔ nyɔ bɔ bafa kɔnnua basosɔ bɛ babɔ nu ɔ sɔ alaa ɛyaa nnu, afunum mmeleɛ ɛyaa nnu, yeɛ somvoɛ pee. Na ɔnate sɔ ati, né ɔte titire tra sona biala bɔ ɔwɔ eyia afiteleɛ ɔ.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Mateo 1:25

Nakoso Yosef ne ye banna maa odwuli kyɛ ɔwole bamuɛbaa bienzua ɔ, na Yosef tole ye dumaa Yesu.

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.

Mateo 2:19

Herode wue asi ne, yieee, Awurade abɔfo yele ye nwo ali wɔ laleɛ nu hyirele Yosef wɔ Misraim

Mateo 2:3

Na ɛhene Herode tele edwirɛ he nen, ɔhale ye, Yerusalemfoɛ amukoraa koso sɔ ala.

Mateo 2:5

Na bebuale ye kyɛ, “Betlehem bɔ ɔwɔ Yudea; na sɔ yeɛ ngɔmhyɛlɛniɛ ne wahyerɛ ɔ, kyɛ,

Mateo 2:7

Yeɛ Herode frɛle nworɛfoɛ nemɔ kudɛɛ, na obisale bɛ mmerɛ deinn bɔ nzramaa ne fitele ɔ.

Luka 1:5

Yudea hene Herode aberɛ so, né ɔsɔfo bie wɔ berɛ bɔ bɛfrɛ ye Sakaria, bɔ ofi Abiya asɔfo kure nu ɔ. Né ɔye te Aarɔn bosofoɛ nemɔ anu bie, na ye dumaa li Elisabɛte.

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 2:15

Na abɔfo nemɔ fili bɛ nwo berɛ bɛhɔle nyameɛso ne, mmoaenneafoɛ nemɔ sisele bɛ nwo kyɛ, “Ɛ́mɔma yɛhɔ Betlehem yɛɛnea edwirɛ he bɔ wasi, bɔ Awurade aye ahyire yɛ ye.”

Yohane 7:42

Ahyerɛlɛ ne, aso wanga kyɛ Kristo ne kɔyɛ Dawide bosoniɛ, na Betlehem kuro bɔ Dawide tenane so ne anu yeɛ okofi ɔ?”

Maenbulɛfoɛ 17:7

Né aberandeɛ bie fi Betlehem bɔ ɔwɔ Yuda. Ofi Yuda abusua nu. Ɔte Lewiniɛ bɔ waatena berɛ ɔ.