Mateo 19:9 - AHYERƐLƐ KRONGRON

⁹ Yiti mekã mekyire ɛmɔ kyɛ, sɛ wamma kyɛ adwamanbɔlɛ ti, ná bienzua yira ɔye kogya braa foforɛ a, né biaa ne asɛkye agyaa.” (Na bienzua bɔ okogya braa bɔ bayira ye ne, ye koso wasɛkye agyaa.)

Mateo 19:9 Iomraidhean Croise

Gyenesise 20:3

Nyameɛ ɔɔhyene Abimɛlɛke laleɛ kɔngɔen ne, na osele ye kyɛ, “Nea, awu ayie, ɔnate braa ne bɔ aafa ye awa ne ati, ofikyɛ ɔte biaa bie aye!”

2 Aberɛso Dwirɛ 21:11

Afei koso, Yehoram sisili asɔneyɛɛ wɔ Yuda mmokaa aseɛ ne aso, na ɔhwehwene Yerusalemfoɛ hɔle mmosoensolɛ nu, na ɔmane Yuda lili Nyameɛ dwirɛ nwo makyebu.

Yeremia 3:1

Mebisa ɛmɔ kyɛ, “Sɛ bienzua bie yira ɔye, ná braa ne fi ye berɛ kɔ, ná sɛ biaa foforɛ gya ye a, aso biaa ne kosa koogya ye bieku? Aso sɔ aseɛ ne nwo ngogua fiɛ petee? Ayɛ gyanderaniɛ ɛne wɔ kurofoɛ pee babɔ adwaman, nakoso ɛpena kyɛ esa ba me berɛ? AWURADE noa dwirɛ ɛne.

Yeremia 3:8

Onwuni kyɛ ɔnate adwaman bɔ asoserɛniɛ Yisrael ɔbɔle ne ati, nyirale ye mmane ye agyaayiralɛ krataa maa ɔhɔle; nakoso oliɛma brasua ngondomboniɛ Yuda wanzuro, na mmom ye koso ɔhɔle ɔɔbɔle adwaman.

Hesekiel 16:15

“Nakoso elili w’anwonyemene si ɛbɔle gyandera, ɔnate w’animnyam ne ati, na ɛfale wɔ nwo mane ebiala bɔ ɔpɛ nu kɔ ɔ.

Hesekiel 16:29

Asa koso, ɛne dwadifoɛ aseɛ Kaldea bɛbɔle adwaman pee, na ɛhe koso po wanzo wɔ.

Hesekiel 16:8

“Na mmerɛ bɔ mebaapɛ nu wɔ nwo berɛ bieku ná nwuni wɔ nen, tie, né adwu ehurolɛ mmerɛ so; na ndrɛtrɛle me tena nu mva ngatale wɔ nwo bɔ ɔla so ne, na me ne wɔ yɛyɛle apam bɔ mvale ndaen mvoale so ɔ, na ɛɛyɛle me deɛ, AWURADE Nyameɛ noa dwirɛ ɛne.

Mateo 19:10

Na ye asuafoɛ nemɔ sele ye kyɛ, “Sɛ sɔ yeɛ bienzua ne ɔye b’afia dwirɛ te de a, né nzaade ɔtte mayee kyɛ begya braa ɔ.”

Mateo 19:8

Na obuale bɛ kyɛ, “Ɔnate ɛmɔ asoserɛ ti yeɛ Mose mane ɛmɔ ate kyɛ ɛ́mɔyira ɛmɔ aye mɔ ɔ; nakoso ofi ahyɛaseɛ ne de, ahaa né nna sɔ yeɛ ɔte sɔ.

Mateo 5:32

Na me de, mekã mekyire ɛmɔ kyɛ, sɛ wanyɛ adwamanbɔlɛ ti, ná ebie yira ɔye a, ye de né wama braa ne asɛkye agyaa. Na ebiala bɔ okogya braa bɔ bayira ye nen, né sɔ biaa ne koso wasɛkye agyaa.

Luka 16:18

“Bienzua biala bɔ okoyira ɔye ná okogya braa foforɛ nen, ɔsɛkye agyaa; yeɛ bienzua biala bɔ okogya brasua bɔ ohu ayira ye nen, ɔsɛkye agyaa.

1 Korintofoɛ 5:1

Baahã ye susu amba kyɛ ɛmɔ nu biemɔ bɔ adwaman, bɔ ye sɛso nne ewiasefoɛ po nu ɔ, ofikyɛ ebie fa ye baba aye.

1 Korintofoɛ 7:39

Sɛ brasua ahu te ase a, ɔngora nne ohu ndete nu; nakoso sɛ ohu ne wu de a, né ɔne ye batete nu, na ɔkora gya bienzua biala bɔ okuro ɔ, wɔ Awurade nu ngome.

1 Korintofoɛ 7:4

Ɔnate kyɛ yeɛ ne de, olle ye bɔbɔ ye nipadua so tumi, nakoso ohu le so tumi. Sɔ ala yeɛ huɛ ne koso olle ye bɔbɔ ye nipadua so tumi ɔ, nakoso ɔye le so tumi.