Mateo 19:7 - AHYERƐLƐ KRONGRON

⁷ Yeɛ bebisale ye kyɛ, “Na nzu ati yeɛ Mose hyɛle kyɛ odi kyɛ biaa ne ma agyaayiralɛ krataa, ná oyira braa ne ɔ?”

Mateo 19:7 Iomraidhean Croise

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yeremia 3:8

Onwuni kyɛ ɔnate adwaman bɔ asoserɛniɛ Yisrael ɔbɔle ne ati, nyirale ye mmane ye agyaayiralɛ krataa maa ɔhɔle; nakoso oliɛma brasua ngondomboniɛ Yuda wanzuro, na mmom ye koso ɔhɔle ɔɔbɔle adwaman.

Malaki 2:16

Ofikyɛ mekyi agyaayiralɛ, AWURADE Yisrael Nyameɛ noa dwirɛ ɛne; yeɛ sona bɔ ɔfa nzɛmmɔne kata ye tena so ɔ, Asafo AWURADE noa dwirɛ ɛne. Yiti ɛ́mɔnea ɛmɔ nwo yé wɔ ɛmɔ sunzum nwo, ná ɛmɔammɔ sɔ nnakannaka bra ne.

Mateo 1:19

Né ohu Yosef te sona bɔ ɔtengyɛ ɔ, na né onguro kyɛ okogua Maria nyunu ase ne ati, ɔyɛle ye adwene kyɛ okoyira ye kudɛɛ.

Mateo 19:6

Yiti bɛtte nyɔ ko, na mmom bɛte anwoɔnaen ko. Ye sɔ ati, bɔ Nyameɛ ahã abɔ nu ne, nnɛma sona biala tete nu.”

Mateo 19:8

Na obuale bɛ kyɛ, “Ɔnate ɛmɔ asoserɛ ti yeɛ Mose mane ɛmɔ ate kyɛ ɛ́mɔyira ɛmɔ aye mɔ ɔ; nakoso ofi ahyɛaseɛ ne de, ahaa né nna sɔ yeɛ ɔte sɔ.

Mateo 5:31

“Bahã ye bieku kyɛ, ‘Ebiala bɔ okoyira ɔye ne, odi kyɛ ɔkyerɛ agyaayiralɛ krataa ma ye.’

Marko 10:4

Na bebuale kyɛ, “Mose mane ate kyɛ ɔhyerɛ agyaayiralɛ krataa ma braa ne, ná oyira ye.”