Mateo 19:5 - AHYERƐLƐ KRONGRON

⁵ Na ɔhane kyɛ, ‘Ɛhe ati yeɛ bienzua kɔyakyi ɔse ne oni berɛ, ná wafa ye nwo waabata ɔye nwo, ná bɛ munyɔ bayɛ anwoɔnaen ko.’

Mateo 19:5 Iomraidhean Croise

Gyenesise 34:3

Na Sɛkem nye gyele Yakob awa brasua Dina nwo, ohurole taluwa ne, na ɔkorɔkorɔle ye.

2 Samuel 1:26

O, nniɛma Yonatan, wɔ ti me wora abɔ; né mekuro wɔ dwirɛ paa, kyɛbɔ esi hurole me dwirɛ ne ɔyɛ nwanwa, na ɔtra ehurolɛ bɔ ofi mmrasua berɛ ɔ.

1 Ahemvo 11:2

Sɔ maen maen mɔ bɔ mmrasua nemɔ fi so ne, né AWURADE abɔ bɛ nwo kɔkɔ wahyire Yisraelfoɛ kyɛ, “Nnɛma ɛmɔgyigya so ama, yeɛ nnɛmɔmaa bɛ koso begyigya ɛmɔ; ofikyɛ bɛkɔlakalaka ɛmɔ maa ɛmɔkooli bɛ nyameɛ mɔ si.” Nakoso Solomon hɔle so hurole bɛ.

Edwein 45:10

Ao mma brasua, tie bɔ mekã ye, ná dwene ye nwo; ma wɔ wora fi wɔ mmenia ne wɔ baba awuro ama,

Edwein 63:8

Me kra te mata wɔ, wɔ sa famaa ne tira me nu.

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.

Mateo 19:6

Yiti bɛtte nyɔ ko, na mmom bɛte anwoɔnaen ko. Ye sɔ ati, bɔ Nyameɛ ahã abɔ nu ne, nnɛma sona biala tete nu.”

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

1 Korintofoɛ 6:16

Gyamea ɛmɔnze kyɛ sona bɔ ɔkɔfa ye nwo kɔha adwamanbɔlɛniɛ ne, né ɔne ye bayɛ anwoɔnaen ko hɔ ɔ? Ofikyɛ Ahyerɛlɛ ne nwa, “Bɛ munyɔ bɛkɔyɛ anwoɔnaen ko.”

1 Korintofoɛ 7:2

Nakoso adwamanbɔlɛ nwo nzɔhwɛ ti, ɔsɛ kyɛ bienzua biala nya ye bɔbɔ ɔye, na brasua biala nya ye bɔbɔ ohu.

1 Korintofoɛ 7:4

Ɔnate kyɛ yeɛ ne de, olle ye bɔbɔ ye nipadua so tumi, nakoso ohu le so tumi. Sɔ ala yeɛ huɛ ne koso olle ye bɔbɔ ye nipadua so tumi ɔ, nakoso ɔye le so tumi.

Ɛfesofoɛ 5:31

Na ye sɔ ati yeɛ bienzua kɔyakyi ɔse ne oni berɛ, ná wafa ye nwo waabata ɔye nwo, ná bɛ munyɔ bayɛ anwoɔnaen ko.

Deuteronomi 10:20

AWURADE wɔ Nyameɛ yeɛ ɔsɛ kyɛ esuro ye ɔ; ye ngome twe yeɛ sɔne ye ɔ; ye yeɛ fa wɔ nwo bɔ ye ɔ, na ye dumaa yeɛ fa ta ndaen ɔ.

Deuteronomi 11:22

Ofikyɛ mmeraa dwirɛ amukoraati bɔ méhyɛ méma ɛmɔ ye, sɛ ɛmɔdi so yé, ná ɛmɔkuro AWURADE ɛmɔ Nyameɛ dwirɛ, ná ɛmɔnate ye atee amukoraati so, ná ɛmɔfa bɛ nwo bɛbɔ ye a,

Deuteronomi 4:4

Nakoso ɛmɔ bɔ ɛmɔfale bɛ nwo bɛbɔle AWURADE ɛmɔ Nyameɛ ne de, ɛmɔ amukoraa bɛtɛ te ase.

1 Samuel 18:1

Dawide ne Sɔɔlo lili ngɔmɔ yiele nen, Yonatan ne Dawide betirale abiɛngoɛ bɔ nu yɛ se ɔ, na Yonatan hurole ye dwirɛ kyɛ ye bɔbɔ ye nwo.

1 Samuel 25:43

Né Dawide agya Ahinoam koso bɔ ofi Yesreel, na bɛ munyɔ bɛyɛle ɔye mɔ.