Mateo 19:28 - AHYERƐLƐ KRONGRON

²⁸ Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 19:28 Iomraidhean Croise

1 Ahemvo 18:31

Elia sesale nyɔboɛ buru ne nyɔ, kyɛbɔ Yakob bɔ AWURADE hã hyirele ye kyɛ, ‘Bɛkɔfrɛ wɔ Yisrael’ ne, ye mma mmienzua mɔ mmusua kure ne, bɛ somaa te ɔ.

2 Aberɛso Dwirɛ 9:19

Ɔyɔle gyata buru ne nyɔ. Atweleɛ ndiasoɛ nzia ne, ko biala, né gyata ko gyi ye bɛen, yeɛ ko wora gyi ye famaa so. Sɔ bia ne, né bɛyyɔle ye sɛso wɔ ahennie biala anu le.

Ɛsra 6:17

Mmerɛ bɔ bétu Nyameɛ awuro ne bewura Nyameɛ sa ne, bɛfale ɛhemɔ bɛbɔle afɔleɛ: nandwie nyii ɛyaa ko, mmoaen nyii ɛyaa nyɔ, mmoaen akrɔngrɔma ɛyaa nna; yeɛ bɛfale mbɔngye nyii buru ne nyɔ bɛbɔle Yisrael bɔne nwo afɔleɛ, kyɛbɔ Yisrael mmusua kure nemɔ bɛ somaa te ɔ.

Ɛksadɔso 15:27

Afei beedwuli Elim, nekaa bɔ asue ti buru ne nyɔ ɔne ayee aburasoo wɔ ne, na bɛkyekyele asikyeleɛ wɔ nzue ne noa.

Ɛksadɔso 24:4

Na Mose hyerɛle AWURADE dwirɛ ne amukoraati. Na ɔpɛle aleɛ dwɔsole ngyerɛmɔ sili afɔleɛ bokyea wɔ bokaa ne nye abo, na ɔfale nyɔboɛ buru ne nyɔ penapenane berɛ, ɔfa gyinane berɛ mane Yisrael abusua kure buru ne nyɔ ne.

Ɛksadɔso 28:21

Ɔsɛ kyɛ nyɔboɛ nemɔ yɛ buru ne nyɔ. Yisrael mma mmienzua nemɔ, ko biala dumaa kogua ko aso. Maa beli adwii bekolikoli ko biala so kyɛbɔ nzɔanoɛ so kolikolilɛ te ɔ. Abusua buru ne nyɔ ne, ko biala dumaa kogua ko aso.

Yesaya 65:17

“Ofikyɛ, tie, mebaabɔ nyameɛso foforɛ ne aseɛ foforɛ; na ɛmɔngɔkaye nningyein bɔ wapɛ nu wahɔ ne, yeɛ ɔngɔpe ɛmɔ ti anu ko.

Yesaya 66:22

“AWURADE nwa nyoo: Kyɛbɔ anwuro foforɛ ne aseɛ foforɛ bɔ mebaayɔ ne kɔtena berɛ wɔ me nyunu ne, sɔ ala yeɛ ɛmɔ bosofoɛ ne ɛmɔ dumaa kɔtena berɛ ɔ.

Lewitikɔso 24:5

“Odi kyɛ ɛfa esam paa, ná ɛfa to paanoo buru ne nyɔ. Fa esam ne olonka nyɔ to paanoo ko biala.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 19:27

Yeɛ Petro buale ye kyɛ, “Eh, yayakyi nikyee biala berɛ yaali wɔ si oo; na nzikyɛ koraa yeɛ yɛkonya ɔ?”

Mateo 20:21

Na Yesu bisale ye kyɛ, “Nzikyɛ yeɛ ɛpena ɔ?” Obuale ye kyɛ, “Hyɛ me bɔ kyɛ me mma nyɔ hemɔ, ko kɔtena wɔ sa famaa so, ná ko wora watena wɔ sa bɛen so wɔ w’ahennie ne anu.”

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Marko 10:37

Na bebuale ye kyɛ, “Yɛpena kyɛ w’animnyam ne anu, yɛ nu ko tena wɔ sa famaa so, ná ko wora ɔtena wɔ sa bɛen so.”

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

Yosua 3:12

Yiti ɛ́mɔyeye Yisrael abusua kure nemɔ nu mmienzua buru ne nyɔ; abusua kure biala nu sona ko.

2 Petro 3:13

Nakoso kyɛbɔ ye bɔhyɛ te ne, yɛ nye la nyameɛso foforɛ ne aseɛ foforɛ bɔ tenenee te nu ɔ ate.

Nyekyire 11:16

Na mbanyi aburanyɔ ne nna bɔ bɛtete b’ahennie bia so wɔ Nyameɛ nyunu ne, bɛfale bɛ nyunu bebutubutuli ase bɛsɔnene Nyameɛ,

Nyekyire 12:1

Na sɛngyerɛnneɛ piri bie lale ye nwo ali wɔ nyameɛso: Braa bie bɔ wafa eyia wahera, bɔ ye gya gyigyi ɛsraen so, ná nzramaa buru ne nyɔ abotire bobɔ ye ti ɔ.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”

Nyekyire 22:2

kɔfa kuro ne dwaaso afia ɔ. Na asue ne bue nyɔ ne, né ngoa bakaa bɔ osu mmaa ahoroɔ buru ne nyɔ ɔ gyi berɛ, na osu ye mma bosome biala. Na bakaa ne nyaa yeɛ bɛfa bɛsa maen maen mɔ anwonyerɛ ɔ.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 7:4

Na bɛ bɔ bafa nzɔanoɛ bahyɛ bɛ nzorɛ ne, ndele bɛ somaa: Apee sɔ alaa ɛyaa ko aburanna ne nna yeɛ bɛfale nzɔanoɛ bɛhyɛle bɛ nzorɛ befili Yisrael mma mmusua kure amukoraa nu ɔ.