Mateo 19:27 - AHYERƐLƐ KRONGRON

²⁷ Yeɛ Petro buale ye kyɛ, “Eh, yayakyi nikyee biala berɛ yaali wɔ si oo; na nzikyɛ koraa yeɛ yɛkonya ɔ?”

Mateo 19:27 Iomraidhean Croise

Mateo 19:26

Na Yesu neane bɛ haa sele bɛ kyɛ, “Sona bue nu de, ɛhe ngɔhora ngɔyɛ berɛ; nakoso Nyameɛ bue nu de, nningyein mukoraa kɔhora kɔyɛ berɛ.”

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 9:9

Yesu fili berɛ bɔ ɔpɛ nu kɔ nen, onwuni biaa bie bɔ bɛfrɛ ye Mateo kyɛ ɔte nekaa bɔ bedide ɛtoɔ ɔ, na osele ye kyɛ, “Di me si.” Na odwɔsole lili ye si.

Marko 10:28

Na Petro hyɛle ye bo sele ye kyɛ, “Eh, yayakyi nningyein mukoraa berɛ yaali wɔ si oo!”

Marko 2:14

Na ɔpɛ nu kɔ nen, onwuni Alfeo awa Lewi kyɛ ɔte nekaa bɔ bedide ɛtoɔ ɔ, na osele ye kyɛ, “Di me si.” Na odwɔsole lili ye si.

Luka 14:33

Na sɔ ala yeɛ ɛmɔ nu biala bɔ ɔnyakyi bɔ ole ye amukoraa berɛ ne, ɔngɔhora ngɔyɛ me suaniɛ ɔ.

Luka 15:29

Na obuale ye baba kyɛ, ‘Tie, afoɛ worawora he yeɛ mafa maso wɔ ɔ, yeɛ wɔ dwirɛ koso nnyɛle ye nwo asoserɛ le; nakoso abɔngye ba po, ɛmmane me bie le kyɛ me ne me mmango mɔ yɛfa yɛgye yɛ nye.

Luka 18:28

Yeɛ Petro sele kyɛ, “Eh! Yayakyi bɔ yɛle ye amukoraa yaali wɔ si oo.”

Luka 5:11

Na bɛhwene b’ɛlɛen nemɔ bɛwale etii so ne, bɛyakyili nikyee biala berɛ beelili Yesu si.

1 Korintofoɛ 1:29

amaa sona biala anhoahoa ye nwo wɔ Nyameɛ nyunu.

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;