Mateo 19:26 - AHYERƐLƐ KRONGRON

²⁶ Na Yesu neane bɛ haa sele bɛ kyɛ, “Sona bue nu de, ɛhe ngɔhora ngɔyɛ berɛ; nakoso Nyameɛ bue nu de, nningyein mukoraa kɔhora kɔyɛ berɛ.”

Mateo 19:26 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

1 Ahemvo 17:16

Kukue ne anu mɔle ne bo andu, yeɛ towaa ne anu ngoo ne aso ande, kyɛbɔ AWURADE dwirɛ bɔ ɔnate Elia so hane ne, ɔte ne ala.

YOB NWOMAA NE 42:2

“Mese kyɛ ɛkora yɔ nikyee biala, na ebiala ngɔhora ngosi wɔ nhyehyɛleɛ ate.

Edwein 3:8

Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela

Edwein 62:11

Nyameɛ dwudwole komapɛ, na mate ye pɛen nyɔ so kyɛ, Tumi te Nyameɛ deɛ’.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Yeremia 32:27

“Tie, me ole AWURADE, anwoɔnaen amukoraa Nyameɛ; aso nikyee bie yɔlɛ yɛ se ma me anaa?

Sakaria 8:6

Asafo AWURADE nwa nyoo: Maen he anu mmenia bɔ baha ne, sɛ ɔyɛ bɛ nye so nwanwa wɔ mmerɛ he anu a, aso me koso ɔkɔyɛ me nye so nwanwa anaa? Asafo AWURADE noa dwirɛ ɛne.

Numeri 11:23

Na AWURADE sele Mose kyɛ, “AWURADE tumi ne, aso nikyee bie wɔ berɛ bɔ ɔngora ye yɔ ɔ? Afei ekonwu ye, sɛ me dwirɛ ne kɔwa nu kɔma wɔ anaakyɛ ɔngɔwa nu a.”

Mateo 19:25

Na asuafoɛ nemɔ tele edwirɛ he nen, ɔyɛle bɛ nwanwa pee, na bɛhane kyɛ, “Ye de nwa yeɛ bɛkɔhora bekole ye ngoa ɔ?”

Mateo 19:27

Yeɛ Petro buale ye kyɛ, “Eh, yayakyi nikyee biala berɛ yaali wɔ si oo; na nzikyɛ koraa yeɛ yɛkonya ɔ?”

Marko 10:27

Yeɛ Yesu neane bɛ haa, na osele kyɛ, “Kuro sona bue nu de, ɔngɔhora ngɔyɛ berɛ, nakoso nna Nyameɛ bue nu ɔ; ofikyɛ Nyameɛ bue nu de, nningyein mukoraa kɔhora kɔyɛ berɛ.”

Luka 1:37

ofikyɛ Nyameɛ de, nikyee biala nne berɛ bɔ ɔngora nyɔ ɔ.”

Luka 18:27

Na Yesu buale kyɛ, “Bɔ sona bue nu ɔngɔhora ngɔyɛ berɛ ne, Nyameɛ bue nu de, ɔkɔhora kɔyɛ berɛ.”

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.

1 Samuel 14:6

Na Yonatan sele ye somvoɛ bɔ otira ye akodeɛ ne kyɛ, “Sɔ bɛmbɛ-bɛ-bienzuafoɛ hemɔ, bɛ koɛhonɛfoɛ atenaleɛ ne, maa yɛpɛ bɔnza ne yɛhɔ dɔ. Ebiaa AWURADE kɔho kɔma yɛ, ofikyɛ nikye fee nzi AWURADE ate kyɛ ɔkɔfa mmenia pee anaa kãa bie so koli ngonim ɔ.”