Mateo 19:24 - AHYERƐLƐ KRONGRON

²⁴ Mekã mekyire ɛmɔ bieku kyɛ, ɔyɛ mmerɛ ma afupɔngɔ kyɛ okowura drɔwaa bɔen nu tra kyɛ esikaniɛ kɔhɔ Nyameɛ ahennie ne anu ɔ.”

Mateo 19:24 Iomraidhean Croise

Yeremia 13:23

Aso Yitiopianiɛ kɔhora kɔsesã ye wereɛ, anaa aboa kɔhora kɔsesã ye nwo kyerekyerɛɛ ne? Ahaa ye de, ɛmɔ bɔ bɔne ali ɛmɔ ti ne, ɛmɔ koso ɛmɔkɔhora bɛkɔyɔ bɔ ɔte paa ɔ.

Mateo 19:25

Na asuafoɛ nemɔ tele edwirɛ he nen, ɔyɛle bɛ nwanwa pee, na bɛhane kyɛ, “Ye de nwa yeɛ bɛkɔhora bekole ye ngoa ɔ?”

Mateo 19:26

Na Yesu neane bɛ haa sele bɛ kyɛ, “Sona bue nu de, ɛhe ngɔhora ngɔyɛ berɛ; nakoso Nyameɛ bue nu de, nningyein mukoraa kɔhora kɔyɛ berɛ.”

Mateo 23:24

Anyesiniwaafoɛ bɔ ɛmɔkyire atee ɔ, bɔ ɛmɔsongyi anonneɛ so bɛye nwɔsea bɛto, nakoso ɛmɔme afupɔngɔ ɔ!

Luka 18:25

Ofikyɛ ɔyɛ mmerɛ ma afupɔngɔ kyɛ okowura drɔwaa bɔen nu tra kyɛ esikaniɛ kɔhɔ Nyameɛ ahennie ne anu ɔ.”

Yohane 3:3

Na Yesu buale ye kyɛ, “Nahorɛ nu paa, mekã mekyire wɔ kyɛ: Ebiala ngɔhora ngonwu Nyameɛ ahennie ne, sana bawo ye foforɛ.”

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?