Mateo 19:19 - AHYERƐLƐ KRONGRON

¹⁹ Di ɛse ne eni ni; yeɛ kuro ebiɛngo dwirɛ kyɛ wɔ bɔbɔ wɔ nwo.”

Mateo 19:19 Iomraidhean Croise

Ɛksadɔso 20:12

“Di ɛse ne eni ni, amaa ɔnate so anya ngoa tendenn wɔ aseɛ bɔ AWURADE wɔ Nyameɛ ɔ́fa ma wɔ ne aso.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Lewitikɔso 19:18

Nnɛtɔ wɔ mmenia ne anu biala so wereɛ, yeɛ nnɛfa ebiala nwo dwirɛ sie wɔ ti anu, na mmom kuro ebiɛngo dwirɛ kyɛ wɔ bɔbɔ wɔ nwo: me ole AWURADE.

Lewitikɔso 19:3

Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Mateo 19:20

Na aberandeɛ ne sele ye kyɛ, “Mali ɛhe amukoraa so; na nzikyɛ bieku yeɛ ohia kyɛ meyɔ ɔ?”

Mateo 22:39

Na bɔ ɔtɔ so nyɔ ne koso ɔte kyɛ ɛhene ala: Kuro ebiɛngo dwirɛ kyɛ wɔ bɔbɔ wɔ nwo!

Mateo 5:43

“Ɛmɔate kyɛ bahã ye kyɛ, ‘Kuro ebiɛngo dwirɛ, ná pɔ wɔ pɔfoɛ.’

Luka 10:27

Yeɛ obuale kyɛ, “Fa w’ahone amukoraa ne wɔ kra amukoraa ne w’anwoserɛ amukoraa ne w’adwene amukoraa kuro Awurade wɔ Nyameɛ dwirɛ; ná kuro ebiɛngo dwirɛ kyɛ wɔ bɔbɔ wɔ nwo.”

Romanfoɛ 13:9

Mmeraa ne nwa, “Nnɛsɛkye agyaa, nnɛdi awue, nnɛwua, [nnɛdi adanzewia], nnɛma wɔ nye boro ebie nikye.” Na sɛ mmeraa dwirɛ biala boka so a, babɔ ye porɛ wɔ edwirɛ he anu kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Galatiafoɛ 5:14

Ofikyɛ babɔ mmeraa ne amukoraa porɛ komapɛ kyɛ, “Kuro ebiɛngo dwirɛ kyɛ wɔ bɔbɔ wɔ nwo.”

Deuteronomi 5:16

“ ‘Di ɛse ne eni ni, kyɛbɔ AWURADE wɔ Nyameɛ ahyɛ wɔ ne, amaa ɔnate so anya ngoa tendenn, ná wayie wɔ yé wɔ aseɛ bɔ AWURADE wɔ Nyameɛ ɔ́fa ma wɔ ne aso.

Yakobo 2:8

Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.