Mateo 19:17 - AHYERƐLƐ KRONGRON

¹⁷ Na Yesu buale ye kyɛ, “Nzu ati yeɛ ebisa me paa nwo dwirɛ ɔ? Nyameɛ ngome twe yeɛ ɔte paa ɔ. Sɛ ɛpena kyɛ ɛkɔ daa ngoa nu a, di mmeraa dwirɛ ne aso.”

Mateo 19:17 Iomraidhean Croise

Nehemia 9:29

Na ɛbɔle bɛ kɔkɔ bɔ ɔnate so bekosa bekooli wɔ mmeraa ne aso ɔ. Nakoso bɛyɛle anwomasoɛ, yeɛ banni wɔ mmeraa dwirɛ so, na mmom wɔ nhyehyɛleɛ bɔ sona di so a onya ngoa ne, bɛyɔle bɔne bebuli so. Bɛpemone b’awaen beguale wɔ so, bɛsoale bɛ kɔm so kyeinn, na bandie wɔ dwirɛ.

Edwein 119:68

Ɛte paa, na ɛyɔ bɔ ɔte paa ɔ, kyirekyire me w’ahyɛdeɛ ne.

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Hesekiel 20:21

Nakoso mmaa nemɔ yɛle me nwo lɔen; banni m’ahyɛdeɛ so, yeɛ me mmeraa ne bɔ sona di so a onya ngoa ne, ye koso banni so; na m’afofingyẽa ne koso, beguale bɛ nwo fiɛ. Yiti ngane kyɛ: Ngɔma m’ahone kohu bɛ so, na ngɔma me yaafɛlɛ ne kɔyɔ bɛ nwo adwuma koyie wɔ ɛserɛ ne aso.

Lewitikɔso 18:5

Yiti ɛ́mɔli m’ahyɛdeɛ ne me nhyehyɛleɛ so, na sona bɔ okoli so ne, okonya ngoa: Me ole AWURADE.

Romanfoɛ 10:5

Mose hyerɛle fale tenenee bɔ ebie di mmeraa ne aso a ɔyɛ ne nwo kyɛ, “Sona bɔ odi mmeraa n’ahyɛdeɛ so ne, ɔkɔfa so konya nu ngoa.”

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

1 Yohane 4:16

Yanwu yɛ nwo dɔ bɔ Nyameɛ le ye ne, yeɛ yɛde yɛdi koso. Nyameɛ te ɔdɔ, na ebiala bɔ ole ɔdɔ ne te Nyameɛ nu, na Nyameɛ koso te ye nu.

1 Samuel 2:2

Ebiala nne berɛ bɔ ɔte krongron kyɛ AWURADE ɔ, amba, ebiala nne berɛ bɔ ɔte kyɛ wɔ ɔ; Nyɔbotaen biala nne berɛ bɔ ɔte kyɛ yɛ Nyameɛ ɔ.