Mateo 19:10 - AHYERƐLƐ KRONGRON

¹⁰ Na ye asuafoɛ nemɔ sele ye kyɛ, “Sɛ sɔ yeɛ bienzua ne ɔye b’afia dwirɛ te de a, né nzaade ɔtte mayee kyɛ begya braa ɔ.”

Mateo 19:10 Iomraidhean Croise

Gyenesise 2:18

Na AWURADE Nyameɛ sele kyɛ, “Ɔtte mayee kyɛ sona ne ngome kɔtena ɔ; ngɔyɛ bokafoɛ bɔ ɔfata ye ɔ ngɔma ye.”

Anyandera 18:22

Bienzua bɔ okonya yeɛ ne, wanya nikye paa, na AWURADE alo ye.

Anyandera 21:19

Ɔte paa kyɛ ɛkɔtena aseɛ akwaweɛ so tra kyɛ ɛne braa bɔ ye nwo te ngondii bɔ odwane wɔ nwo ɔ bɛkɔtena ɔ.

Anyandera 21:9

Ɔte paa kyɛ ɛkɔtena sua anwuro pumbu ahameɛ bie anu tra kyɛ ɛne braa bɔ ye nwo te ngondii ɔ bɛkɔtena awuro ɔ.

Mateo 19:11

Na osele bɛ kyɛ, “Nna mmenia mukoraa yeɛ bɛkɔhora bekole sɔ dwirɛ ne bɛkɔto nu ɔ, sana bɛ bɔ bafa balo bɛ ɔ.

Mateo 19:9

Yiti mekã mekyire ɛmɔ kyɛ, sɛ wamma kyɛ adwamanbɔlɛ ti, ná bienzua yira ɔye kogya braa foforɛ a, né biaa ne asɛkye agyaa.” (Na bienzua bɔ okogya braa bɔ bayira ye ne, ye koso wasɛkye agyaa.)

1 Korintofoɛ 7:8

Afei mekã mekyire asigyafoɛ ne akunafoɛ kyɛ, ahaa ɔte paa kyɛ bɛkɔhɔ so bɛkɔtena anwokwa nu kyɛbɔ nde ye.

1 Timoteo 4:3

Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.