Mateo 18:9 - AHYERƐLƐ KRONGRON

⁹ Yeɛ sɛ wɔ nye to wɔ sundidua a, tu ná gyi to! Ɔte paa ma wɔ kyɛ ɛkɔfa anyeɛ ko kɔhɔ ngoa nu tra kyɛ ɛkɔfa anyeɛ nyɔ, ná bekogyi wɔ bɛkɔto amaneɛnwunɛ see nu ɔ.

Mateo 18:9 Iomraidhean Croise

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Mateo 18:8

“Sɛ wɔ sa anaa wɔ gya to wɔ sundidua a, pɛ ná gyi to! Na ɔte paa ma wɔ kyɛ ɛkɔfa asaa ko anaa agyirɛ ko ɛkɔhɔ ngoa nu tra kyɛ ɛkɔfa asaa nyɔ anaa agyirɛ nyɔ, ná bekogyi wɔ bɛkɔto daa see nu ɔ.

Mateo 19:17

Na Yesu buale ye kyɛ, “Nzu ati yeɛ ebisa me paa nwo dwirɛ ɔ? Nyameɛ ngome twe yeɛ ɔte paa ɔ. Sɛ ɛpena kyɛ ɛkɔ daa ngoa nu a, di mmeraa dwirɛ ne aso.”

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Mateo 5:29

Yiti sɛ wɔ nye famaa diedie wɔ kɔ bɔne nu a, tu ná gyi to! Ɔte paa kyɛ ɛkɔtɔ bue tra kyɛ bekogyi wɔ mumua ne amu bɛkɔto abɔnzam see nu ɔ.

Marko 9:47

Sɛ wɔ nye to wɔ sundidua a, tu to. Ɔte paa ma wɔ kyɛ ɛkɔfa anyeɛ ko kɔhɔ Nyameɛ ahennie nu tra kyɛ wɔ nye te nyɔ, ná bekogyi wɔ bɛkɔto amaneɛnwunɛ see nu ɔ,

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Hebrifoɛ 4:11

Yiti ɛ́mɔma yɛbɔ mmɔden yɛwura sɔ nwomelelɛ ne anu, amaa ɔnate so ebiala wanyɔ sɔ asoserɛ ne wamvi ase.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.