Mateo 18:8 - AHYERƐLƐ KRONGRON

⁸ “Sɛ wɔ sa anaa wɔ gya to wɔ sundidua a, pɛ ná gyi to! Na ɔte paa ma wɔ kyɛ ɛkɔfa asaa ko anaa agyirɛ ko ɛkɔhɔ ngoa nu tra kyɛ ɛkɔfa asaa nyɔ anaa agyirɛ nyɔ, ná bekogyi wɔ bɛkɔto daa see nu ɔ.

Mateo 18:8 Iomraidhean Croise

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Mateo 17:27

Nakoso, kyɛbɔ ɔkɔyɛ bɔ yɛngɔyɛ sundidua yɛngɔma bɛ ne ati, kɔ ɛpo nu kɔto koaa; na tiré bɔ ekoli moa kɔhye ye ne, sɛ ebukye ye noa nu a, ekonwu sikaa prɛnprɛn wɔ nu, na fa kotua me ne wɔ yɛ deɛ.”

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Luka 14:33

Na sɔ ala yeɛ ɛmɔ nu biala bɔ ɔnyakyi bɔ ole ye amukoraa berɛ ne, ɔngɔhora ngɔyɛ me suaniɛ ɔ.

Luka 16:24

Na ɔteane nu kyɛ, ‘Ngya Abraham ee, nwu me anwumvoin oo, ná soma Lasarɔso maa ɔfa ye sa mmɛseka noa ɔbɔ nzue nu, ná ɔɔfa hã me temverema so ma so yɛ fɔnwoo; ɔnate kyɛ me nwo yerayera me wɔ see wuronyiwuronyi he anu!’

Romanfoɛ 13:12

Aleɛ sane ɔ ahyɛ, na alehyeleɛ apingye. Yiti ɛ́mɔma yɛgyi awosii nu yɔleɛ nemɔ yɛgua, ná yɛfa kanea nu akodeɛ yɛwura.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”