Mateo 18:4 - AHYERƐLƐ KRONGRON

⁴ Na ebiala bɔ ɔkɔbrɛ ye nwo ase kyɛ akwadaa he nen, ye yeɛ ɔte titire paa wɔ nyameɛso ahennie ne anu ɔ.

Mateo 18:4 Iomraidhean Croise

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Mateo 18:1

Sɔ mmerɛ ne ala nu yeɛ asuafoɛ nemɔ wale Yesu berɛ beebisale ye kyɛ, “Nwa yeɛ ɔte titire paa wɔ nyameɛso ahennie ne anu ɔ?”

Mateo 18:3

na ɔhane kyɛ, “Nahorɛ nu, mekã mekyire ɛmɔ kyɛ, sɛ ɛmɔanzesã ná ɛmɔanyɛ kyɛ ngwadaa a, ɛmɔngɔhɔ nyameɛso ahennie ne anu le.

Mateo 18:5

Na ebiala bɔ okole akwadaa bɔ ɔte kyɛ he kɔto nu wɔ me dumaa nu nen, né wale me wato nu.”

Marko 10:43

Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Marko 9:34

Na bɛyɛle dinn, ofikyɛ atunu dɔ, né besu bɛ nwo aporowaa kyɛ bɛ nu nwa yeɛ ɔte titire paa ɔ.

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Luka 9:48

na osele bɛ kyɛ, “Ebiala bɔ okole akwadaa he kɔto nu me dumaa nu nen, né wale me wato nu; yeɛ ebiala bɔ okole me kɔto nu nen, né wale bɔ ɔsomane me ne wato nu. Ofikyɛ, bɔ ɔte kãa paa wɔ ɛmɔ amukoraa bɛ nu ne, ye yeɛ ɔte titire paa ɔ.”

Yakobo 4:10

Ɛ́mɔbrɛ ɛmɔ nwo ase wɔ Awurade nyunu, na ɔkɔma ɛmɔ so.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.