Mateo 18:31 - AHYERƐLƐ KRONGRON

³¹ Na ye mmango ngoaa nemɔ nwuni bɔ wasi nen, ɔyɛle bɛ yea paa, na bɛɛhane bɔ wasi ne amukoraa behyirele bɛ mene.

Mateo 18:31 Iomraidhean Croise

Gyenesise 37:2

Yakob abusua nwo dwirɛ ɛhe: Yosef lili afoɛ buru ne nzoo ne, né ɔne oliɛma mmienzua mɔ bɛ́fa mmoaen bɛkɔ adidie. Né ɔte abɛɛmaa bɔ ɔne ɔse aye mɔ Bilha ne Silpa mma mɔ yeɛ bɛyɔ sɔ adwuma ne ɔ. Na Yosef fale edwirɛ tɛɛ bɔ oliɛma nemɔ ali ne nwo amaneɛ ɔɔbɔle ye baba.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Edwein 119:158

Menwu bɛ bɔ benni wɔ dwirɛ ne aso ne a, né bɛ nwo yɛ me ahi, ofikyɛ benni wɔ mmeraa so.

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Mateo 14:9

Na ɔyɛle ɛhene ne yea, nakoso ɔnate ye ndaen bɔ wata ɔne mmenia bɔ né ɔne bɛ didi ne ati, ɔhyɛle kyɛ bɛyɔ sɔ bɛma abaayaa ne.

Mateo 18:28

“Na sɔ akoaa ne ala fili berɛ bɔ ɔkɔ nen, onwuni obiɛngo akoaa ko bɔ ɔma ye kerɛ denare ɛyaa ko; yeɛ obumane ye komvi sele ye kyɛ, ‘Tua me kerɛ!’

Mateo 18:30

Nakoso wambene, na ɔmaa bɛhyele ye bɛtole kuku nu kɔpem kyɛ okotua kerɛ ne ɔ.

Mateo 18:32

Yeɛ ye mene ne frɛle ye sele ye kyɛ, ‘Wɔ, akoaa atianuserɛniɛ! Mvale wɔ kerɛ ne amukoraa ngyɛle wɔ, ɔnate kyɛ ɛpale me kyerɛ.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Luka 14:21

“Yiti somvoɛ ne sa wale ɔɔbɔle ye mene amaneɛ. Yeɛ ye mene ne fɛle yaa, na osele ye somvoɛ ne kyɛ, ‘Ma wɔ nwo yɛ nyera, ná kɔ kuro nu dɔ dwaa nemɔ aso ne mandamu, ná fa ehiafoɛ, mmubuafoɛ, anyesiniwaafoɛ ne abafaen mɔ bra!’

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

2 Korintofoɛ 11:21

Ɔyɛ me nya kyɛ mekã kyɛ yɛ de yɛbrɛle yɛ nwo ase soma ɔ. Nakoso bɔ ebie kora fa hoahoa ye nwo ne, medwudwo kyɛ ebiaa nnne adwene de oo, me wora mekora mefa mehoahoa me nwo bie.

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.

Hebrifoɛ 13:3

Ɛ́mɔkaye kukunufoɛ, kyɛ ebiaa ɛmɔ ne bɛ yeɛ begua kuku nu ɔ; ɔne bɛ bɔ benwu amaneɛ, kyɛ ebiaa ɛmɔ ne bɛ yeɛ benwu amaneɛ ne ɔ.