Mateo 18:3 - AHYERƐLƐ KRONGRON

³ na ɔhane kyɛ, “Nahorɛ nu, mekã mekyire ɛmɔ kyɛ, sɛ ɛmɔanzesã ná ɛmɔanyɛ kyɛ ngwadaa a, ɛmɔngɔhɔ nyameɛso ahennie ne anu le.

Mateo 18:3 Iomraidhean Croise

Edwein 131:2

Amba, mama me kra anya asomdwee maa wayɛ konn, kyɛ baa bɔ bapɛ ye nyɔfone bɔ ɔte oni so ɔ: me kra ayɛ kyɛ baa bɔ bapɛ ye nyɔfone ɔ.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Mateo 18:2

Yeɛ Yesu frɛle akwadaa bie maa ɔwale, na ɔfale ye oogyinane b’afia berɛ,

Mateo 18:4

Na ebiala bɔ ɔkɔbrɛ ye nwo ase kyɛ akwadaa he nen, ye yeɛ ɔte titire paa wɔ nyameɛso ahennie ne anu ɔ.

Mateo 19:14

Nakoso Yesu sele kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ nyameɛso ahennie ne ɔte bɛ deɛ ɔ.”

Mateo 19:23

Yeɛ Yesu sele ye asuafoɛ nemɔ kyɛ, “Nahorɛ nu, mekã mekyire ɛmɔ kyɛ, ɔkɔyɛ se kɔma sikaniɛ kyɛ ɔkɔhɔ nyameɛso ahennie ne anu ɔ.

Mateo 5:18

Nahorɛ nu, mekã mekyire ɛmɔ kyɛ, kɔpem kyɛ anwuro ne aseɛ kɔpɛ nu ɔ, mmeraa ne anu kaaba ko anaa kaaba pɔtrepɔɔ ko po ngofi nu, sana ye mukoraa awa nu koraka.

Mateo 5:20

Yiti mekã mekyire ɛmɔ kyɛ, sɛ ɛmɔ tenenee andra ahyerɛlɛfoɛ ne Farasiifoɛ deɛ a, ye de ɛmɔ gya baa ngotia nyameɛso ahennie ne anu.

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 6:2

Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Mateo 6:5

“Sɛ ɛmɔbɔ mbaeɛ a, nnɛma ɛmɔyɛ kyɛ nyaatwomfoɛ nemɔ; ofikyɛ bɛ de, bekuro kyɛ begyinagyina ndende wɔ nyianu sua nemɔ nu ne mmorɔnoɛ so bɛbɔ mbaeɛ, kyɛbɔ ɔkɔyɛ bɔ mmenia konwu bɛ ɔ. Nahorɛ nu, mekã mekyire ɛmɔ kyɛ, banya b’akatuaa dada.

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Luka 13:24

“Ɛ́mɔpere béwura anoa bɔtɔfee ne anu! Na mekã mekyire ɛmɔ kyɛ, mmenia pee bɛkɔpena kyɛ bekowura nu ɔ, na bɛngɔhora.

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

Yohane 1:51

Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”

Yohane 3:3

Na Yesu buale ye kyɛ, “Nahorɛ nu paa, mekã mekyire wɔ kyɛ: Ebiala ngɔhora ngonwu Nyameɛ ahennie ne, sana bawo ye foforɛ.”

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 28:27

Ofikyɛ maen he b’adwene ala, batuatua bɛ so, yeɛ bamuamua bɛ nye. Anyɛ a, né bɛ nye anwu nikye, né bɛ so ate dwirɛ, né b’adwene ate dwirɛ bo, ná basa bawa me berɛ maa masa bɛ anwonyerɛ.’ ”

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.