Mateo 18:28 - AHYERƐLƐ KRONGRON

²⁸ “Na sɔ akoaa ne ala fili berɛ bɔ ɔkɔ nen, onwuni obiɛngo akoaa ko bɔ ɔma ye kerɛ denare ɛyaa ko; yeɛ obumane ye komvi sele ye kyɛ, ‘Tua me kerɛ!’

Mateo 18:28 Iomraidhean Croise

Nehemia 10:31

Na aseɛ ne aso ama, sɛ bɛfa bɛ nningyein anaa b’aleɛ biala bɛba kyɛ bɛbayɛ ye atɔen afofikyẽa a, yɛngɔtɔ ngofi bɛ brɛ afofikyẽa anaa kyẽa krongron biala. Afei, afoɛ bɔ ɔtɔ so nzoo ne, yɛngɔyɛ boo wɔ aseɛ ne aso. Afei yɛkɔfa kerɛ biala bɔ ebiala ma yɛ ɔ yɛkɔhyɛ ye.

Nehemia 5:7

Na ndwene ye nwo alaa nen, mmɔle atitire ne mbanyi nemɔ kwaadu nzele bɛ kyɛ, “Ɛmɔde nzihoɛ befi ɛmɔ bɔbɔ deinn ɛmɔ aliɛma mɔ berɛ!” Na mmɔle dwaa kandinga kyɛ mene bɛ koli,

Anyandera 28:3

Ehianiɛ bɔ okosisi ehianiɛ ne, ɔte kyɛ esue bɔ ɔtɔ titititi sɛkye eboo nu aleɛ ɔ.

Yesaya 58:3

Bɛnwa: ‘Nzu ati yeɛ yayɛ akɔngyere bɔ ennwu ye ɔ? Nzu ati yeɛ yabrɛ yɛ kra ase bɔ ɛnze ɔ?’ Ɛ́mɔtie, sɛ ɛmɔyɛ akɔngyere a, bɔ ɛmɔ bɔbɔ ɛmɔkuro yeɛ ɛmɔyɔ ɔ, na ɛmɔhyɛ ɛmɔ adwumayɔlɛfoɛ amukoraa so.

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Mateo 18:27

Na akoaa ne mene ne nwuni ye anwumvoin, ɔyakyili ye, na ɔfale kerɛ ne hyɛle ye.

Mateo 18:29

Yiti obiɛngo akoaa ne guale ndwerɛ srɛle ye kyɛ, ‘Nya me nwo aboterɛ kãa, na ngotua ye mukoraa ngɔma wɔ.’

Mateo 20:2

Na ɔne adwumayɔlɛfoɛ nemɔ belili ye noa kyɛ ɛlɛho te denare ko, na ɔmaa bɛhɔle ye bobe boo ne anu.

Marko 14:5

Ahaa bɛkɔhora bɛkɔtɔne sakyeɛfona he maa ɔkɔbo denare ɛyaa nza, ná bafa sikaa ne bama ehiafoɛ.” Na bedwudwole braa ne.

Marko 6:37

Na obuale bɛ kyɛ, “Ɛ́mɔma bɛ nikyee ma beli.” Na bebisale ye kyɛ, “Yɛɛtɔ paanoo denare ɛyaa nyɔ yɛfa yɛma bɛ ma beli anaa?”

Luka 10:35

Na aleɛ hyene ne, ɔyele denare nyɔ mane sona bɔ ɔnea ɛwɔfoɛ sua ne aso ne, na osele ye kyɛ, ‘Nea ye, na kerɛ biala bɔ ɛkɔbɔ wɔ ye nwo bieku ne, mesa meba a ngotua wɔ kerɛ.’

Luka 7:41

Na osele kyɛ, “Né mmenia nyɔ bie bɛma ebie bɔ ɔbɔ bosea ɔ kerɛ. Ko ma ye kerɛ denare ɛyaa nnu, yeɛ ko koso ma ye kerɛ aburannu.

Yohane 6:7

Na Filipo buale ye kyɛ, “Denare ɛyaa nyɔ po ɔngɔso paanoo bɔ ebiala konya kaala koli ɔ tɔ.”

Deuteronomi 15:2

Kyɛbɔ ɛkɔmaa ɔkɔfa ye nwo koli ɛhe: ebiala bɔ wafa nikyee wafɛmo oliɛngo Yisraelniɛ nen, odi kyɛ ɔfa kyɛ ye. Nnɛmaa ɔhyɛ oliɛngo Yisraelniɛ anaa oliɛma kyɛ otua, ofikyɛ batu basie berɛ bama AWURADE kyɛ ɔte kerɛ-fahyɛlɛ afoɛ.