Mateo 18:27 - AHYERƐLƐ KRONGRON

²⁷ Na akoaa ne mene ne nwuni ye anwumvoin, ɔyakyili ye, na ɔfale kerɛ ne hyɛle ye.

Mateo 18:27 Iomraidhean Croise

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 145:8

AWURADE do mmenia, na ɔse anwumvoin; ye ahone nhu ndɛ, na ye ɔdɔ bɔ onni ngasi ne, ɔsone.

Edwein 78:38

Nakoso ɔnate kyɛ ɔse anwumvoin ne ati, ɔfale b’amumuyɛɛ hyɛle bɛ, na wangukũ bɛ. Né ɔtaa ɔtwe ye yaa sa nziɛ, na wamva ye yaa ne amukoraa wangua bɛ so.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Mateo 18:28

“Na sɔ akoaa ne ala fili berɛ bɔ ɔkɔ nen, onwuni obiɛngo akoaa ko bɔ ɔma ye kerɛ denare ɛyaa ko; yeɛ obumane ye komvi sele ye kyɛ, ‘Tua me kerɛ!’

Mateo 18:32

Yeɛ ye mene ne frɛle ye sele ye kyɛ, ‘Wɔ, akoaa atianuserɛniɛ! Mvale wɔ kerɛ ne amukoraa ngyɛle wɔ, ɔnate kyɛ ɛpale me kyerɛ.

Luka 7:42

Bangora kerɛ ne tua, yiti ɔfa hyɛle bɛ munyɔ. Yiti kyire me bɛ nu horɛ bɔ okohuro biaa ne dwirɛ paa ɔ?”

Luka 7:43

Na Simɔn buale kyɛ, “Mesusu kyɛ ko bɔ ɔfale somaa hyɛle ye ne ɔ.” Na Yesu sele ye kyɛ, “Abua ye turoloo.”

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.