Mateo 18:25 - AHYERƐLƐ KRONGRON

²⁵ Né ɔngɔhora kerɛ ne tua, yiti ye mene ne hyɛle kyɛ bɛtɔne ye, ɔne ɔye ne ye mma, yeɛ bɔ ole ye amukoraa, ná bɛfa betua kerɛ ne.

Mateo 18:25 Iomraidhean Croise

2 Ahemvo 4:1

Ngɔmhyɛlɛfoɛ fekue ne, bɛ nu ko aye oosuni hyirele Elisa kyɛ, “Me hu, bɔ ɔte wɔ somvoɛ ne, wawu. Ɛse kyɛ wɔ somvoɛ, né osuro AWURADE. Nakoso ebie bɔ yɛma ye kerɛ ɔ, wawa kyɛ ɔbaafa me mma nyɔ nemɔ yɛ nganga sie kerɛ ne anoa.”

Nehemia 5:5

Yɛne y’eliɛma Yudafoɛ ne, yɛ mukoraa yɛte sona ko. Yɛ mma te kyɛ bɛ mma deɛ mɔ ala. Nakoso yɛhyɛ yɛ mma mmienzua ne yɛ mma mmrasua mɔ maa bɛyɛ nganga, na yɛ mma mmrasua nemɔ bie de yali moa yatɔne bɛ. Yɛyɔ ye nwo hwee a ɔnyɛ ye, yeɛ y’aseɛ ne yɛ bobe boo mɔ ayɛ ebiemɔ deɛ.”

Nehemia 5:8

na nzele bɛ kyɛ, “Y’eliɛma Yudafoɛ bɔ batɔne bɛ bama Amaenmaensofoɛ mɔ ne, yabɔ mmɔden bɔ yɛkɔhora biala yapɔ bɛ. Nakoso afei de ɛmɔtɔne ɛmɔ bɔbɔ ɛmɔ aliɛma Yudafoɛ bɛma Yudafoɛ maa yɛsa yɛkɔpɔ bɛ!” Bɛyɛle konn, na né bennwu dwirɛ bɔ bɛhã ɔ.

Ɛksadɔso 21:2

Sɛ ɛtɔ kanganiɛ bɔ ɔte Hebriniɛ a, ɔsɛ kyɛ ɔso wɔ afoɛ nzia. Nakoso afoɛ bɔ ɔtɔ so nzoo ne de, maa ɔfa ye nwo li tɔtorɔtɔɔ ɔhɔ.

Ɛksadɔso 22:3

“Sɛ bɛkye awueniɛ kyɛ ótu anoa bo ba nu, ná bɛbɔ ye maa owu a, sona bɔ ɔbɔle ye ne onni ye wue nwo fɔ.

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Lewitikɔso 25:39

“Sɛ ohia ebiɛngo Yisraelniɛ bie alaa maa ɔyɛ ye nwo atɔen ma wɔ a, nnɛfa ye yɛ kanganiɛ.

Mateo 18:24

Na ɔhyɛle ngondaabulɛ ne abo nen, bɛfale ko bɔ ɔma ye kerɛ talɛnde apee buru ɔ bɛwale ye berɛ.

Luka 7:42

Bangora kerɛ ne tua, yiti ɔfa hyɛle bɛ munyɔ. Yiti kyire me bɛ nu horɛ bɔ okohuro biaa ne dwirɛ paa ɔ?”